Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура строительство тĕлĕшпе кăмăлсăрланмалли самантсем те пулчĕç. Тĕп хула ертÿлĕхне сăмах тиврĕ.
Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура Иван Моторин премьер Мускавра Энергетика министерствинче иртнĕ канашлăва хутшăнни çинчен каласа кăтартрĕ. Унта «Трактор завочĕсем» концерн предприятийĕсен электроэнергишĕн капланнă парăмĕсен ыйтăвне тишкернĕ.
Паян республикăра 7 пин ытла ача шкулта икĕ сменăпа вĕренет. Çак йышăн çурринчен ытла пайĕ — Шупашкарта. 2021 çул тĕлне хайхи иккĕмĕш сменăна пĕтерме тĕллев лартнă. Вĕрентÿ министрĕ Юрий Исаев ЧР Пуçлăхĕ ĕç тăвакан влаç тата муниципалитетсен ертÿçисемпе тунтикунсерен ирттерекен планеркăра çакăн пирки каласа çĕнĕ шкулсем тăвас ыйту пурнăç хистевĕ пулнине çирĕплетрĕ. Канашлура ку енĕпе ĕçсем мĕнле пынине тишкерчĕç.
Уяв-кану кунĕсем республикăра йĕркеллĕ иртнĕ, пăтăрмахсем пулман, çавна май кăçалхи пирвайхи планеркăна Чăваш Ен Пуçлăхĕ Михаил Игнатьев çак тапхăрта сыхлăха тивĕçтерес енĕпе ĕçленĕ службăсене тав тунинчен пуçларĕ. Калаçăва тăснă май вăл республика иртнĕ çула ăнăçлă вĕçленине çирĕплетрĕ, кăçал та тухăçлă ĕçлеме сунчĕ.