Паян Правительство çуртĕнче республика халăх хуçалăхĕнче вăй хурса пысăк сума тивĕçнĕ, нумай ача çуратса ура çине тăратнă ашшĕ-амăшне чысларĕç. Вĕсем патшалăх наградисене тивĕçрĕç.
Паян Шупашкарта савăнăçлă лару-тăрура «Садовый» микрорайонта /Геннадий Айхи проспектĕнчи 21-мĕш çуртра/ 203-мĕш ача сачĕн виççĕмĕш корпусĕ уçăлчĕ. «Кубик-рубик» ятлă садике 240 шăпăрлан çÿрĕ.
«Электроникăпа паян тĕнчипех ытларах та ытларах кăсăкланаççĕ. Электроника малалла та аталанса пырĕ. Çак отрасель тата вăйлантăр тесен Шупашкарта пĕр-пĕр предприяти çумĕнче электроника центрĕ уçсан аван пулмалла», - палăртрĕç паян пухăннисем, И.Н. Ульянов ячĕллĕ Чăваш патшалăх университечĕн «Г» тата «В» корпуссенчи электрооборудованипе çыхăннă тĕрлĕ лабораторипе паллашнă май.
Паян Комсомольски районĕнчи Кĕçĕн Çĕрпÿелте ентешне — Василий Разумов вице-адмирала — асăнса Якорь-палăк уçрĕç.
Василий Петрович 1909 çулта Аслă Çĕрпÿелте çуралнă. Совет флотоводецĕ 1965 çултанпа — инженер-вице-адмиралĕ. «Морской сборник» журнал редколлеги членĕ пулнă. Вăл 1967 çулхи кăрлачăн 29-мĕшĕнче пурнăçран уйрăлса кайнă.
Кăçал Раççейре Театр çулталăкĕ пулнă май «Хыпар» Издательство çурчĕн ача-пăча кăларăмĕсен редакцийĕ «Театр — манăн пурнăçра» видеоконкурс ирттерчĕ. Паян çĕнтерÿçĕсене хамăр пата пухрăмăр.
Чăвашла верси
Русская версия
