Хăш-пĕр ялта çамрăксене кăнтăрла хунарпа шырасан та тупаймăн. Пачах çук мар-ха вĕсем. Чылайăшĕ пысăк укçа шыраса ют хулана шапаша каять. Хĕрлĕ Чутай районĕнчи Атнар ялне çитсен вара тĕлĕнмеллипех тĕлĕнтĕмĕр. Кунти «Коминтерн» ЯХПКра чылай çамрăк ĕçлет. 30 çула çитменнисем — 12-ĕн! Маттурсем! Ял аталанăвĕшĕн тăрăшаççĕ, тăван тăрăха юратаççĕ. Тепри пулсан ялта мĕн пур тесе хулана тухса тарĕччĕ…
Патшалăх ялта пурăнакан çамрăксене пулăшма тăрăшни чылай çăмăллăх кÿрет. Куславкка районĕнчи Криуш ялĕнчи Наталья Чукмакова та çакăнпа килĕшмесĕр тăраймарĕ. Вăл мăшăрĕпе Андрейпа ялта тĕпленнĕренпе чылай çул иртнĕ. Наталья Юрьевна — Елчĕкри шкулта поварта, Андрей Николаевич Куславккара газ службинче операторта тăрăшать. Пĕлтĕр Чукмаковсем «Çамрăк çемье» патшалăх программипе усă курса капмар çурт çĕкленĕ. Малалла вулас...
Çулсерен республикăри вун-вун çамрăк педагог дипломне илет. Шел те, вĕсенчен чылайăшĕ ялти шкула кайса ачасене вĕрентесшĕн мар. Пĕрисене — хула пурнăçĕ, теприсене пысăк шалу илĕртет. Куславкка районĕнчи Энтри Пасар ялĕнче çуралса ÿснĕ Татьяна Логинова аслă пĕлÿ илсенех яла таврăннă. Елчĕк шкулĕнче чи çамрăк педагогсенчен пĕринпе, акăлчан чĕлхине вĕрентекенскерпе, тĕл пулса калаçма май килчĕ.
Алла диплом илсенех вăл ăçта ĕçе вырнаçассине тӳрех пĕлнĕ — шкула. Кун пирки нимĕнле иккĕленӳ те пулман. Ачасемпе пĕр чĕлхе тупасси çамрăк педагога малтанах хăратнă. Канашри 2-мĕш шкулта /вăл хăй те унта пĕлӳ сукмакне такăрлатнă/ практика тухнă чухне шиклĕх туйăмĕ сирĕлнĕ.
Чăвашла верси
Русская версия
