Çулталăк ытла Çĕрпÿри культура аталанăвĕн тата библиотека тытăмĕн центрĕн директорĕнче тăрăшатăп. Ман тытăмра 40 клуб тата 24 библиотека. Çавăнпа та ял тăрăхĕнчи культура ыйтăвĕсем тавра сăмах хускатасшăн.
- Авланман йĕ-кĕтсемшĕн паян лайăх арăм тупасси те хăйне евĕр йывăрлăх. Пĕрре пăхма пурте чипер пикесем. Кăмăл-сипечĕ палăрма пуçласан теприсенчен çаврăнса пăхмасăр тарас килет. Чылайăшĕ çăмăлттай. Пĕлетĕп-ха, ку сăмаха каччăсен тĕлĕшĕпе те усă кураççĕ.
Пире, чăвашсене, хамăр республикăра хăтлă. Çав вăхăтрах тĕнчери лару-тăру лăпкă мар. Вăрçă мĕн чухлĕ çыннăн кун-çулне татать. Вĕсемшĕн пăшăрханса та чун ыратать. Тăнăçлăха мĕншĕн хаклама пĕлместпĕр-ши?
- Мана кăна мар, пурне те тĕнчери лару-тăру пăшăрхантарать халĕ.
Украинăра мĕн пулса иртет тата! Мĕн чухлĕ çын пирĕн пата куçать! Вĕсемшĕн те кулянатăп. Вăрçа пулах мĕн чухлĕ ача сусăрланать, тăлăха юлать...
- Эпĕ виçĕ ача ашшĕ, манăн икĕ хĕрпе пĕр ывăл, çавна май сăмахăм шăпăрлансем тавра ытларах пулĕ.
«Ачана воспитани ан пар, вăл пурпĕрех санашкалах пулĕ, малтан хăвна йĕркеллĕ тытма вĕрен, уншăн ырă тĕслĕх пул», - тесе ахальтен каламан пуль çав.
Чăвашла верси
Русская версия
