Сывлăх

Правительство çуртĕнче иртнĕ пресс-конференцире вакцинаци темине хускатрĕç. Ыйтусене Алла Салаева вице-премьер, сывлăх сыхлавĕн министрĕ Владимир Степанов, Роспотребнадзорăн Чăваш Енри управленийĕн ертӳçин тивĕçĕсене пурнăçлакан Вера Головач, Нина Рассказова аллерголог-иммунолог, Сывлăх сыхлавĕн министерствин тĕп терапевчĕ Лариса Тарасова тата ыттисем хуравларĕç.

Олег ДИМИТРИЕВ, Красноармейски районĕнчи Алманч вăтам шкулĕн директорĕ:

— Коронавирус паян çĕнĕрен калаçтарма пуçларĕ. Раççейĕн чылай регионĕнче вируспа чирлекенсен йышĕ хăвăрт ӳснине палăртаççĕ.