Авăн уйăхĕ тĕрлĕ ăмăртупа турнир ирттермелли лайăх вăхăт пулса тăчĕ. Акă ыран черетлĕ ăмăрту старт илет.
Атлетсем «Советская Чувашия» хаçатăн парнисене çĕнсе илессишĕн тупăшĕç. Кăçал та эстафетăна «Олимпийский» стадион йышăнĕ. 81-мĕш хут иртекен турнира Андриян Николаев космонавта асăнса ирттереççĕ тата Шупашкар хули йĕркеленнĕренпе 550 çул çитнине халалланă.
Кире пуканĕ йăтассипе «Хыпар» хаçатăн парнисене çĕнсе илессишĕн Пĕтĕм Раççейри турнира кăçал юпа уйăхĕн 18-20-мĕшĕсенче ирттерме йышăннă.
Чăваш Ен спортсменĕсем Чулхула облаçĕнчи Кстово хулинче иртнĕ Пĕтĕм тĕнчери турнирта 3 медаль çĕнсе илнĕ.
Республикăра пурăнакансен спортпа туслă йышĕ 44,8% çитнĕ — аван кăтарту, анчах çакăнпа çырлахни вырăнсăр, тĕллев — асăннă кăтартăва 55% шайне çĕклесси. Çак цифрăсене Министрсен Кабинечĕн паян Иван Моторин премьер ертсе пынипе иртнĕ ларăвĕнче хăй ертсе пыракан ведомствăн 2018 çулхи ĕçĕ çинчен отчет тунă май спорт министрĕ Михаил Богаратов пĕлтерчĕ.
Физкультурниксен кунĕнче ача-пăча картиш футбол фестивалĕн регионри тапхăрĕн финалĕ иртнĕ. Унта республикăри 2005 çулта çуралнă ачасен чи вăйлă 8 команди вăй виçнĕ.
Чăвашла верси
Русская версия
