Иртнĕ эрнере Мускав облаçĕнчи Видное хулинче Тухăç çар кĕрешĕвĕн Сетокан енĕпе Раççей чемпионачĕ вĕçленнĕ.
40 регионтан килсе çитнĕ 88 спортсмен хушшинче Шупашкарти "Будокан" клуба çӳрекен Александр Аввакумов кĕмĕл медале тивĕçнĕ. 16-20 çулсенчи юниорсен ушкăнĕнче Виктор Фомиряковпа Богдан Авдеев 1-мĕш 2-мĕш вырăнсене çĕнсе илнĕ.
Миасри /Челябинск облаçĕ/ "Солнечная долина" сăрт-ту трассинче фристайл енĕпе Раççей чемпионачĕ иртнĕ. Спортсменсем слоуп-стайл тата биг-эйр дисциплинăсенче тупăшнă.
Чăваш Енре 20 çул каялла триатлон спортăн çĕнĕ тĕсĕ пулнă. Ăна аталантарас тĕллевпе Владислав Димитриев нумай тăрăшнă. Паян вăл — ЧР триатлон федерацийĕн тĕп тренерĕ. Чăваш триатлонĕн кун-çулĕ çинчен унран лайăхрах пĕлекен çукпа пĕрех. Сăмахне те вăл хĕллехи триатлон çинчен калаçнинчен пуçларĕ.
Çак канмалли кунсенче çĕршывăн тĕп хулинче киокусинкай /карате кĕрешĕвĕн тĕсĕ/ енĕпе Раççей ăмăртăвĕ иртнĕ. Мускаври кĕрешÿ искусствисен центрĕнче 12-14 çулсенчи арçын ачасемпе хĕрачасем, 17 çулчченхи çамрăксем, çавăн пекех хĕрарăмсемпе арçынсем тупăшнă.
Паян "Шупашкар-арена" пăр керменте самбо енĕпе çĕршыв чемпионачĕ пуçланчĕ. Чăваш Ене 60 регионтан 625 спортсмен килсе çитнĕ. Виçĕ кунра вĕсем медальсен 25 комплектне çĕнсе илессишĕн тупăшаççĕ.
Чăвашла верси
Русская версия
