«Кирек хăш вăхăтра, савăнăçра та, хуйхăра та пĕрле пулăпăр. Ĕмĕрлĕхе» - тет икĕ чĕре алла ылтăн çĕрĕ тăхăннă май. Сак çинче ларса çăлтăр шутланă каçсем, атте-аннепе паллаштарнă самант... тин çеç пулнă тейĕн. Паян вара - хумхануллă та, çав вăхăтрах пурнăçри чи телейлĕ кун - туй.
Çемьере туслăхпа ăнлану хуçалансан темĕнле йывăрлăха та çĕнтерейĕн. Çакна Вăрнар районĕнчи Уйкас Явăшра пурăнакан Митрофановсем те çирĕплетсе параççĕ. Вĕсемпе хаçатăн 1-мĕш страницинче паллашăр.
Этем пин-пин çул каяллах уçă тÿпе айĕнчен хÿтлĕхе куçнă, хăйне тата çемйине валли пурăнмалли вырăн тума пуçланă. Тахçан çынсем чул хăвăлĕсенче е çĕр пÿртсенче, çавăн пекех йывăç çинчи «пÿртсенче» пурăннă. Хальхи çуртсем мĕнлерех чаплă вĕт-ха. Строитель алли асамлă тейĕн.
Çак ачасене пĕр шухăш çывăхлатать - вĕсем пурте строитель пулма ĕмĕтленеççĕ. Кашниех ашшĕнчен тĕслĕх илсе унăн çулĕпе утасшăн, халăхшăн пархатарлă ĕç тăвасшăн.
Чăвашла верси
Русская версия
