Çĕнĕ çул уявĕ асамлăх, илем енĕпе мĕн пур уявран ирттерет. Çак кунсенче А.Николаев космонавт ячĕллĕ ача-пăча паркне çитсе курнисем çакна черетлĕ хут ĕненнĕ. Кунта Шупашкар хулин Ленин район администрацийĕпе ку тăрăхри хĕрарăмсен канашĕ хăйне евĕр, тĕлĕнтермĕш çунасем ăсталассипе кăсăклă конкурс йĕркеленĕ.
Паян, 2018 çулхи раштав уйăхĕн 14-мĕшĕнче, Чăваш Республикин тĕп хулинчи — Шупашкарти — Ленин тата Мускав районĕсене çыхăнтаракан кĕперĕн иккĕмĕш пайне уçрĕç.
Ирхи кÿлĕм унта хула çыннисем, кĕпере хута янă строительсем йышлăн пуçтарăнчĕç. Шупашкаршăн пысăк пĕлтерĕшлĕ объекта ĕçе кĕртнĕ ятпа вĕсене Чăваш Ен Пуçлăхĕ Михаил Игнатьев саламларĕ.
Чăваш Енре кайтинг спортне юратакан Хĕл Мучисен ăмăртăвĕ иртмелле. Раштавăн 31-мĕшĕнче вĕсем Мускав çыранĕнче пуçтарăнĕç.
Чăваш Ене Беларуç Республикин промышленноç министрĕн пĕрремĕш заместителĕ Геннадий Свидерский ертсе пыракан делегаци килни çинчен пĕлтернĕччĕ ĕнтĕ. Шупашкара пĕр вăхăталлах Минск автозаводра туса кăларнă вĕр çĕнĕ 10 автобус та çитнĕ. Чÿк уйăхĕн 28-мĕшĕнче «Анне» палăк умĕнчи тÿремре çак сăлтавпа савăнăçлă уяв иртрĕ. Республика Пуçлăхĕ Михаил Игнатьев тата сумлă хăна Геннадий Свидерский автобус водителĕсене уçăсем пачĕç.
Чăвашла верси
Русская версия
