Тĕрлĕ наци çынни пĕрле юрласа ташланине сăнама çав тери кăмăллă. Туслăх пĕрлештерет пире. Хăнана чăваш яланах хапăл. Пĕрле пуçтарăнни уяв сумне ÿстерет.
Паян ирхи 8 сехет те 22 минутра Шупашкарти Мускав тата Ленин районĕсене çыхăнтаракан Мускав кĕперĕн Республика кунĕ тĕлне туса пĕтернĕ çĕнĕ тăрăхĕпе пуçласа спортсменсемпе физкультурниксем, тĕп хулари «Дорекс» ООО автотранспорчĕ, Шупашкарти Ленин, Калинин тата Мускав районĕсенче пурăнакансен йышлă представителĕсем иртрĕç.
Республика кунне халалланă савăнăçлă мероприятисене хутшăнмашкăн Шупашкара РАН академикĕ, СССР Патшалăх премийĕн лауреачĕ, РФ ăслăлăхĕн тава тивĕçлĕ ĕçченĕ, биологи наукисен докторĕ, А.В. Ломоносов ячĕллĕ Мускав патшалăх университечĕн медицина биофизикин кафедрин заведующийĕ Юрий Владимиров мăшăрĕпе Галина Алексеевнăпа, медицина ăслăлăхĕн докторĕ, Раççей Федерацийĕн тава тивĕçлĕ врачĕ, Раççей Оборона министерствин тĕп аритмологĕ, медицина службин полковникĕ Владимир Стеклов икĕ кунлăха килнĕ.
Чăваш патшалăх ял хуçалăх академийĕнче «Ял территорийĕсене аталантарас ĕçри ял хуçалăх потребителĕсен кооперацийĕсен тÿпи» темăпа «çавра сĕтел» хушшинчи калаçу иртнĕ.
Ĕнер Шупашкар районĕнчи Урай Макаç ялĕнчи «Астăвăм» мемориал комплексĕнче çĕнĕ постамент уçăлнă. Пысăках та мар, пĕчĕкех те мар çак ялта Астăвăм аллейине вырăнти хастарсем унчченех йĕркеленĕ. Çулсем иртнĕ май ăна пăхса-йĕркелесе тăнипех çырлахман, малалла аталантарнă.