Паян ирхи 2 сехет тĕлĕнче Йĕпреç районĕнчи Пучинкери сĕт заводĕнче инкек пулнă. Унта типĕтнĕ сĕт цехĕнче вакуум двигателĕ ванса кайнă. Оборудование юсама кÿлĕннĕ 33 тата 46 çулти икĕ арçын вĕри пăспа пиçсе кайнă.
Пĕтĕм Раççейри «Вилĕмсĕр полк» акци çулсеренех вăй илсе, аталанса пырать. Пирĕн ентешсем çĕршывăн тĕрлĕ кĕтесне саланнă та — çавна май вĕсем вăрçăра çапăçнă тăванĕсен портречĕсене йăтса хăйсем халĕ пурăнакан çĕрте утаççĕ. Çапла вара фронта Чăваш Енрен кайнă çĕнтерÿçĕ салтаксем Раççейĕн тĕрлĕ хулинче строя «тăраççĕ».
Ача çуратса ÿстернĕ амăшĕсене, уйрăмах тивĕçлĕ канăва тухнисене, ачисене пĕчĕк чухне пăхнă тапхăршăн пенсие çĕнĕрен шутласа параççĕ. Анчах та камăн пенсийĕ ÿсме пултарать, камăн вара — çук.
Малтанхи çулсенче пенси виçине палăртнă чухне ачана çулталăк çурăна çитиччен пăхнă тапхăра стажа кĕртнĕ. Халĕ çав вăхăта пенси балне те куçарма май килет.