Вăрнар районĕнчи Хура Çырма ялĕнчи Феодосия Левцова çичĕ çул каялла пĕр кунра икĕ ывăлне ĕмĕрлĕхе çухатнă. <...> Йывăр хуйхă çапса хуçнă хыççăн халĕ тăван килĕнче пĕчченех хурланса пурăнать.
Çĕрпÿ тăрăхĕнче пурăнакан 56-ри арçын пакунлисенчен кравать айне пытанма хăтланнă. Саккуна пăсакансене таçтан тупма пултараканскерсене улталама май килмен.
Кирек епле çыншăн та тăван енрен хаклăраххи, пахараххи урăх çук. Мĕншĕн тесен вăл кунта çут тĕнчене килнĕ, ансăр сукмакпа шкула чупнă, вырăнти кÿлле-пĕвене шыва кĕме васканă, вăрмана кăмпа-çырлана çÿренĕ. Çак шухăша Елена Матвеева манпа сăмахланă май икĕ-виçĕ хут та асăнчĕ.
Çак кунсенче Элĕк районĕнчи Тури Хурасанта пурăнакансем хăйсен тăрăхĕнче тилĕ хунаса кайни çинчен редакцие шăнкăравласа пĕлтерчĕç. «Пĕр каçра 4 чăха тытрĕç», — терĕ кинемей пăшăрханса. Урамрах çÿреççĕ иккен вĕсем. Çитменнине хăрамаççĕ те. Асăннă ялта çеç мар, кÿршĕри Анатри Хурасанта, Шуркассинче, Тури тата Анатри Юлăшра алхасать тискер чĕр чун. Чăх-чĕппе пĕрлех хур-кăвакала та, кăрккана та тиркемест иккен. Ял халăхĕ ĕрчевлĕскере епле пĕтермелли çинчен шухăшлать.
«Хресчен сасси» ыйтăвĕсене ЧР çут çанталăк ресурсĕсен тата экологи министрĕн заместителĕ Владимир Кузюков хуравлать.
— Эсир, вăрман, уй-хир, шыв-шур чĕр чунĕсене, вĕсем пурăнакан вырăнсене патшалăх енчен хÿтĕлес тата акарçăсем сунар йĕркине еплерех пăхăннине тĕрĕслесе тăрас ĕçшĕн яваплăскер, çавăншăнах тăрăшакан патшалăх инспекторĕсен пĕлтĕрхи ĕçне мĕнле хаклатăр?
Чăвашла верси
Русская версия
