Патăрьел районĕнчи Крепков урамĕнче тата Комсомольски районĕнчи Явăшра кайăк-кĕшĕк грипĕн паллине тупса палăртнă май Чăваш Ен Пуçлăхĕн хушăвĕпе килĕшÿллĕн августăн 8-мĕшĕччен карантина 21 куна хупнăччĕ. Çавна май ялсене кайăк-кĕшĕк илсе кĕме, вĕсенчен турттарса кайма вăхăтлăха чарнă. Сăнав зонине палăртса мониторинг ирттернĕ, ытти мероприятие пурнăçланă.
Шăпах çакнашкал ятпа уйăхлăх пынă май Вăрнар хула администрацийĕн ĕçченĕсем вăрмана çÿп-çапран тасатмашкăн субботник йĕркеленĕ. Вурнарка юхан шывĕн таврашне тирпей-илем кÿнĕ, 20 михĕ çÿп-çап пуçтарнă.
Çак кунсенче Южно-Сахалинск хулинче Раççейри «Çамрăк профессионалсем» 4-мĕш чемпионатăн финалĕ иртнĕ. Унта Чăваш Ен пĕрлештернĕ ушкăнĕ те хутшăннă. Ентешсем пурĕ 7 медаль çĕнсе илнĕ.
Çĕнтерÿçĕсен йышĕнчи Александр Мусатовăн, Шупашкарти электромеханика колледжĕн вĕренекенĕн — чи çÿллĕ шайри награда. «Промышленноç автоматики» компетенципе ăмăртса вăл чи малти вырăна тухма пултарнă.
«Хыпар» хаçатра хăйсен тивĕçĕсене хастар пурнăçласа пыракан старостăсем çинчен çырнă статьясене кăмăлласа вулатăп. Старостăсен статусне ÿстерес ыйтăва ЧР Министрсен Кабинечĕн утă уйăхĕн 25-мĕшĕнче иртнĕ ларăвĕнче сÿтсе явнине МИХсем урлă пĕлтĕмĕр.
ЧР ШĔМ пресс-служби пĕлтернĕ тăрăх, Шупашкар районĕнчи Ишлей поселокĕ çумĕнчи «Шупашкар-Сăр» çул-йĕрĕн 21 километрĕнче паян, çурлан 13-мĕшĕнче, кăнтăрлахи 12 сехет те 20 минутра çăмăл машина инкеке лекнĕ.
Салонра çул çитмен виçĕ хĕрача пулнă: 4, 7 тата 10 çултисем. Аманнăскерсене çийĕнчех больницăна илсе çитернĕ. Малтанхи тĕрĕслев руль умĕнчи водитель ÿсĕррине палăртнă. Анчах та арçын çак кăтартăва йышăнман, медицина учрежденине те кĕме килĕшмен. Халĕ тĕрĕслев пырать.
Елена АТАМАНОВА.
Чăвашла верси
Русская версия
