Кун хыççăн кун

10 Авăн, 2020

Йывăç каснă çынна шыраççĕ

Сĕнтĕрвăрри районĕнчи Чермĕш ялĕ çывăхĕнчи вăрманта такамсем 6 ăвăс каснă. Халĕ çав çынсене шыраççĕ.

Чĕрĕ йывăçсене каснине кăмпа шыракансем асăрханă. Вĕсем «Вăрман хуçалăхĕ» хысна предприятин диспетчер службине евитленĕ. Унти инспекторсем вырăна çитсе тĕрĕсленĕ. Паллă мар çынсем Сĕнтĕрвăрри участокĕнчи вăрман хуçалăхĕн 121-мĕш кварталĕнчи 6 ăвăса, пурĕ 0,54 кубла метр, каснă. Саккуна пăсакансене административлă майпа çеç мар, тăкак виçи 5 пин тенкĕрен иртсен уголовлă ĕç пуçарса та явап тыттарма юрать.

Кун хыççăн кун
9 Авăн, 2020

Патшалăх пулăшнă, малашне те пулăшĕ

Предпринимательлĕх пĕлтерĕшне пысăка хуни куçкĕрет — республика Пуçлăхĕн тивĕçĕсене вăхăтлăх пурнăçлакан Олег Николаев вĕсемпе çавăнпа çине-çинех курнăçать ĕнтĕ. Иртнĕ эрнере кăна производство енĕпе ĕçлекен предпринимательсемпе тĕл пулнăччĕ, юнкун вара „Манăн бизнес“ центра общество апатланăвĕпе сут-илÿ предприятийĕсен ертÿçисем пухăнчĕç.

Кун хыççăн кун
8 Авăн, 2020

Тăвайра социаллă объектсем çĕнелеççĕ

Паян ЧР Пуçлăхĕн тивĕçĕсене вăхăтлăх пурнăçлакан Олег Николаев Тăвай районĕнче пулчĕ.

Чи малтан шыв тасатакан станцин строительстви епле пынипе паллашрĕ. Подрядчик представителĕ Андрей Александров пĕлтернĕ тăрăх, ятарлă оборудованипе вăхăтра тивĕçтерменнипе тата проектра йăнăшсем пуррипе ĕçсем кая юлса пыраççĕ. Строительствăна пĕр уйăх çурă хушшинче туса пĕтерме шантарчĕ.

Кун хыççăн кун

Pages