Ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлăва ЧР Пуçлăхĕ Олег Николаев виçĕ куна тăсăлнă сасăлав теминчен пуçларĕ — суйланнă депутасене саламларĕ.
Çапла калани тӳрĕ пĕлтерĕшпе те, сăнарлă каласан та вырăнлă: Патшалăх Канашĕнче хальччен пулман чылай çын мандат илет, çийĕнчен парламент йышĕнче «Çĕнĕ çынсем» парти элчи те пулĕ.