Кун хыççăн кун

19 Авăн, 2021

Мускавран салам йышӑнчӗҫ

Виҫӗ кун пынӑ сасӑлав вӗҫленнӗ хыҫҫӑн "Единая Россия" партин Чăваш Енри уйрăмĕн членĕсем видеоконференци  мелĕпе Мускаври ĕçтешĕсемпе çыхăнчĕç.

Унта партин Чăваш Енри уйрăмĕн секретарĕ Алена Аршинова, Патшалăх Думин депутачĕ Леонид Черкесов тата ыттисем хутшăнчĕç. Парти членĕсем суйлавра мала тухнăшăн пĕр-пĕрне саламларĕç, хăйсен шухăшĕсене палăртрĕç.

www.hypar.ru Сергей Журавлев сăн ÿкерчĕкĕ
 

Кун хыççăн кун
19 Авăн, 2021

Суйлавçăсен 54% яхăн йышĕ сасăланă

Авăн уйăхĕн 17-19-мĕшĕсенче иртнĕ суйлава республикăри суйлавçăсен 54% яхăн йышĕ хутшăннă. Çак кăтартăва сасăлав вĕçленнĕ хыççăн вырсарникун каçхине общество сăнав центрĕнче йĕркеленĕ пресс-конференцире ЧР Тĕп суйлав комиссийĕн председателĕ Александр Цветков пĕлтерчĕ.

Кун хыççăн кун
19 Авăн, 2021

Шупашкар тата Чӑваш Ен митрополичӗ Савватий паян сасӑлава хутшӑнчӗ

- Эпӗ - Раҫҫей гражданинӗ, ҫавӑнпа гражданла кӑна мар, яваплӑ тивӗҫе лайӑх кӑмӑлпа пурнӑҫлама килтӗм, - терӗ Савватий митрополит. - Туятӑп, пӗлетӗп, кашни ҫыннӑн граждан хастарлӑхне кӑтартмалла. Кандидатсене шанатӑп. Ҫынсем эпир халӗ йывӑр саманара пурӑнни пирки каланине нумай илтетӗп. Самана нихӑҫан та ҫӑмӑл пулман, пулмӗ те. Кашни ӑрӑвӑн - хӑйӗн йывӑрлӑхӗсем. Пирӗн Раҫҫейӗн пысӑк пуласлӑх пулассине ӗненетӗп. Раҫҫей - мӑнаҫлӑ ҫӗршыв. Халӗ эпӗ ҫакна архиерей пек мар, хӑйӗн ҫӗршывне юратакан гражданин пек калатӑп.

Кун хыççăн кун
19 Авăн, 2021

Общество сӑнавӗн центрӗ малалла ӗҫлет

Общество суйлавӗн центрне кирек кам та - суйлавҫӑсем те, кандидатсем те - пырса республикӑри суйлав участокӗсенче ӗҫ мӗнле пынипе онлайн режимра паллашма пултарать. Паян ирхине мероприятире малта тата юлса пыракан участоксене палӑртнӑ. Кӑнтӑрла тӗлне пур участокра та сасӑлавҫӑсен йышӗ ӳснӗ. 12 сехете илес тӗк, республикӑра пурӑнакансен 44 проценчӗ граждан тивӗҫне пурнӑҫланӑ.

Кун хыççăн кун
19 Авăн, 2021

РФ Патшалӑх Думин депутачӗ Анатолий Аксаков - тӑнӑҫ пурнӑҫшӑн

Паян РФ Патшалăх Думин депутачĕ Анатолий Аксаков Шупашкарти коопераци институчĕнче вырнаçнă суйлав участокĕнче сасăларĕ. 

Кун хыççăн кун

Pages