Пенси çулĕсене пысăклатĕç

2019 çулта пĕр пенсионер пуçне вăтамран ĕçлекен икĕ çын кăна пулĕ. Çавна май Пенси фодĕнче укçа çителĕксĕр. Çынсем пенсие каярах кайни çак çивĕчлĕхе сирме, ватăсен пенсине /паян çĕршывра пенсин вăтам виçи 14,4 пин тенкĕпе танлашать/ çуллен пĕрер пин тенкĕ ÿстерсе пыма май парĕ.

Пенси çулĕсене 2019 çултан тытăнса пĕчĕккĕн пысăклатса пырĕç — çуллен пĕрер çул хушăнĕ. Çапла вара 2028 çул тĕлне арçынсем 65 çул тултарсан пенсие кайма тытăнĕç, хĕрарăмсем 63 çула çитсен тивĕçлĕ канăва кайма пуçлĕç - вĕсемшĕн çак улшăну вăя кĕрсе çитесси 2034 çулта вĕçленĕ. Çав вăхăтрах çăмăллăхлă категорисем пенсие каяссипе çыхăннă унчченхи йĕрке упранса юлать. 

Николай КОНОВАЛОВ. pensiolog.ru сайтри сăн ÿкерчĕк.

Исключить из Яндекс-Новостей: 

Комментари хушас