Грипп, ОРВИ чирĕсенчен сыхланса республикăра пурăнакансен 52% прививка тумалла. Çак тĕллеве пĕрремĕш-вице-премьер — финанс министрĕ Михаил Ноздряков тунтикун ĕç тăвакан влаç органĕсен тата муниципалитетсен ертÿçисемпе ирттернĕ канашлура сывлăх сыхлавĕн министрĕ Владимир Степанов палăртрĕ.
Тухтăр патне «Патшалăх пулăшăвĕсем» пĕрлехи портала кĕрсе çырăнма пулать.
Чăваш Енри 3 пине яхăн ача Пĕтĕм Раççейри «Пысăк тăхтав» проекта хутшăннă.
Шкул ачисем эрудиципе, профориентаципе, ăс-хакăлпа професси тĕрĕслевĕ тухнă. Чăваш Енри 43 ача авăн уйăхĕн 9-20-мĕшĕсенче Чулхулара иртекен çурма финала хутшăнма тивĕçнĕ.
Чăваш Енри халăха ĕçпе тивĕçтерекен служба ĕç сĕнекенсемпе — тачă çыхăнура.
Пĕрлехи ĕçсенчен чи курăмли — вакансисен ярмăрккине ирттерни. 2020 çул пуçланнăранпа Чăваш Республикин Ĕçлевпе социаллă хӳтлĕх министерстви çавнашкал 57 ярмăрккă ирттернĕ. Çапла унта хутшăннă 258 çынран /Шупашкар/ 38-ăшне ĕçпе тивĕçтернĕ.
Çак кунсенче «Ялан юнашар. Ялан асра» акцие хутшăнакансем Чантăр ялĕнче ырă ĕçпе палăрнă.
Хастар çамрăксем Тăван çĕршывăн Аслă вăрçинче пуç хунă салтаксене халалласа çĕкленĕ палăка тирпей-илем кĕртнĕ. Вĕсем ăна çуса тасатнă, сăрланă, ун таврашĕнчи курăка çулса пуçтарнă, чечек лартнă.
Волонтер юхăмĕ хăйĕн ĕç-хĕлне малалла тăсать, пурне те çĕршывăмăрăн истори астăвăмне упрама чĕнет.
Çурлан 23-мĕшĕнче Мускавра Пĕтĕм Раççейри «Хăвăрт утакансен Московия фестивалĕ» ăмăрту иртнĕ.
Çĕршыври чи вăйлă спортсменсемпе тупăшса Чăваш Ен чысне тивĕçлĕн хӳтĕлекенĕ — тĕнче класлă Раççей спорт мастерĕ Марина Новикова /Пандакова/. 20 километра 42:09 минутра утса тухса вăл ку сезонра тĕнчери чи лайăх кăтартупа палăрнă, трасса рекордне çĕнетнĕ. Ун хыççăн Надежда Сергеева çитнĕ /43:00/, виççĕмĕшĕ — Кристина Мавлетова /44:46/.
Авăн уйăхĕнче Етĕрнере Йывăр атлетика центрĕ уçăлĕ.
Йывăр атлетсене хатĕрлемелли икĕ хутлă çуртăн юсав ĕçĕсем 2019 çул вĕçĕнче пуçланнăччĕ. Çак вăхăтра вăл тулаш енчен çеç мар, шалтан та улшăнса çĕнелнĕ. Йывăр атлетикăна кăмăллакансем валли 1-мĕш хутра ятарлă зал хатĕрленĕ. 2-мĕш хутра вара нумай функциллĕ зал вырнаçнă, унпа малашне çăмăл атлетсем те усă курĕç. Шахматла выляма юратакансем валли уйрăм пӳлĕм пулĕ.
«Уçă хула» порталта А.Н. Боголюбов çарпуçне халалланă палăка ăçта вырнаçтарасси пирки сасăлав ирттернĕччĕ. Шупашкарта пурăнакансен сĕннĕ вырăнсенчен пĕрне суйлама тивнĕ. Акă сасăлав вĕçленнĕ те.
Паян Вырăнти хăй тытăмлăх управленийĕн органĕсен полномочийĕсен инвентаризацине йĕркелекен патшалăх комиссийĕн пĕрремĕш ларăвĕ иртрĕ. ЧР Министрсен Кабинечĕн Председателĕн пĕрремĕш заместителĕ — финанс министрĕ Михаил Ноздряков ертсе пынă канашлура комисси ĕçĕ-хĕлĕн тĕп тĕллевĕсене палăртрĕç, 2021-2023 çулхи бюджета хатĕрленĕ чухне бюджетсен хушшинчи хутшăнусен пайне кĕртмелли тĕп паллăсене пăхса тухрĕç.
Чăвашла верси
Русская версия
