Новости по теме

Паян, кăрлачăн 14-мĕшĕнче, республикăри журналистсен Çемен Элкер, Николай Никольский тата Леонид Ильин ячĕллĕ премийĕсен комиссийĕсен тата Чăваш Ен Журналистсен союзĕн правленийĕн ларăвĕсем иртнĕ. Унта преми лауреачĕсене палăртнă.

«Чăвашкино» патшалăх киностудийĕн тата электрон документаци архивĕ» бюджет учрежденийĕ валли директор шыраççĕ.

Асăннă предприятин унчченхи пуçлăхне Андрей Абдюшева нумаях пулмасть ĕçрен кăларнă. Ун тĕлĕшпе уголовлă ĕç пуçарнă. Халĕ республикăн Культура, национальноçсен ĕçĕсен тата архив ĕçĕн министерстви конкурс ирттерессине пĕлтернĕ. Тилхепене тытас ĕмĕтлĕ кандидатăн аслă пĕлÿллĕ пулмалла, культура енĕпе е кинопрокат ĕçĕнчи ертсе пыракан должноçсенче ĕçленĕ опыт 5 çултан кая мар кирлĕ.

Паян «Хыпар» издательство çурчĕн «Тантăш» хаçачĕ тухма пуçланăранпа 90 çул çитрĕ. Вăл «Пионер сасси» ятпа 1931 ҫулхи январĕн 12-мĕшĕнче пуçласа кун çути курнă. Унǎн пĕрремĕш редакторĕ Илья Алтын Баш пулнǎ. «Епле хаваслǎ кĕтсе илчĕ ǎна ача-пǎча. Кĕске вǎхǎтрах хаҫат тиражĕ те чылай ӳсет. Чухǎнччĕ редакци. Ачасем ҫинчен ҫырма пултаракан журналистсем сахал пулнǎ, укҫи те ҫитмен. Ҫапах пур пĕр ĕҫленĕ. Алла усман. Йывǎрлǎхран тухма тǎрǎшнǎ, малашлǎх пирки ĕмĕтленнĕ. Сывлǎха та шеллемен», – аса илнĕ каярах Илья Максимович.

Кăрлач уйăхĕн 10-мĕшĕнче каçхине Улатăрти пĕр килте мунча çунса кĕлленнĕ.

Çулăм юнашарти пурăнмалли çурта тата кил таврашне те тивнĕ. Кил хуçин 58 çулти мăшăрĕ тата 21 çулти хĕрĕ суранланнă.

Пĕтĕмпе çулталăк пуçланнăранпа республикăра 35 пушар тухнă, 11 çын вилнĕ.

Пушар тухсан «01» /карас телефонран — «101»/ номерпе шăнкăравламалла.