Новости по теме

Андриян Николаев ячĕллĕ ача-пăча паркĕнче ĕнер чăваш юрри-ташши кĕрленĕ. Раççей кунĕнче кунта "Ача-пăча Акатуйĕ" фестиваль-конкурс иртнĕ.

Искусство шкулĕсемпе культура çурчĕсене сукмак такăрлатакан ачасем пĕр-пĕринпе ташласа, юрласа, сăвă каласа тупăшнă. "Чăваш паттăрне" палăртма арçын ачасем канат та туртнă.

Тĕрлĕ номинацири çĕнтерÿçĕсемпе лауреатсене асăнмалăх парнесемпе хавхалантарнă.

Чăваш Енри система йĕркелекен организацисен списокне тата 22 предприяти кĕрĕ. Çак хыпара санкцисен витĕмĕн условийĕсенче экономикăна пулăшас енĕпе ĕçлекен штабăн эрнекунхи черетлĕ ларăвĕнче республика Пуçлăхĕ Олег Николаев пĕлтерчĕ. Вĕсем — тĕрлĕ отрасль предприятийĕсем. Ларура тишкернĕ ыйтусем те — нумай отрасле пырса тивекеннисем.

«Çивĕч», — çапла хакларĕ республикăри наркотиксемпе çыхăннă лару-тăрăва Шалти ĕçсен министерствин наркотиксен çаврăнăшĕпе кĕрешекен управленийĕн пуçлăхĕ Сергей Наумов. Çавна май Чăваш Енĕн наркотиксемпе кĕрешекен комиссийĕн кĕçнерникун ЧР Пуçлăхĕ Олег Николаев ертсе пынипе иртнĕ ларăвĕнче влаç тытăмĕсен, муниципалитетсен администрацийĕсен ĕçĕ тĕлĕшпе самай тиркевлĕ калаçу пулчĕ.

Министрсен Кабинечӗн паянхи ларӑвӗнче Тариф службин ертӳçи Надежда Колебанова «Содружество» компанин чукун çулăн хула çумĕнчи маршрутсемпе пассажирсене илсе çӳренипе çыхăннă тăкакĕсене республика бюджетĕнчен саплаштарас ыйтăва çĕклерĕ.

Ку ыйтăва çуллен тишкереççĕ — çĕнĕлĕх мар. Çĕнелекенни — тариф кăна. Надежда Владимировна палăртнă тăрăх, 1 километршăн тариф 8,71 тенкĕпе танлашĕ. Хальччен ку виçе 7,98 тенкĕ пулнă. Тăкаксене саплаштарма бюджетран хушма 5,3 миллион тенкĕ уйăрма тивĕ.