Чăваш наци библиотекин "Кĕмĕл ĕмĕр" галерейинче çак кунсенче уçăлнă курав - Культура çулталăкĕнчи паллă пулăм. Унта Г.Камал ячĕллĕ Тутар патшалăх академи театрĕн тĕп ÿнерçин, Тутар Республикин халăх художникĕн Сергей Скомороховăн сценографи куравĕ уçăлчĕ.
ЧР Сывлăх сыхлавĕпе социаллă аталану министерствин "Кÿкеçри ватă çынсемпе инвалидсен интернат çурчĕ" бюджет учрежденийĕ уçăлнăранпа кăçалхи ака уйăхĕнче 45 çул тултарать. Хÿтлĕх кĕтекен малтанхи çынсем кунта Çĕрпÿ районĕнчи Иваново салинчи ветерансен çуртĕнчен куçнă, вĕсем хыççăн - Йĕпреçрен, Атратьрен...
Çулталăк каялла иртнĕ Чăваш Республикин муниципалитет йĕркеленĕвĕсен Канашĕн 5-мĕш създĕнче Чăваш Ен Пуçлăхĕ Михаил Игнатьев вырăнти хăй тытăмлăх органĕ обществăпа политикăри хăйĕн чăн вырăнне тупнине, граждан обществин пурнăçне йĕркелесе пымалли тĕп форма пулнине, хăватлă витĕм кÿнине кăмăллăн палăртрĕ.
1961 çулхи ака уйăхĕн 12-мĕшĕ. Пирĕн аслă çĕр-шывăн кун-çулĕнчи тата тĕнче историйĕнчи чи паллă кун. Чылай пулăм çинчен пĕлетпĕр пулин те кашнинчех хамăра валли унта çĕннине тупатпăрах. Уçлăха пĕрремĕш тухнă Юрий Гагарин çинчен те пĕтĕмпех тĕпченĕ, çапах паянхи кун та унăн паттăрлăхĕ çынсене тĕлĕнтерет.
Чăваш Енри ял хуçалăх таварĕ туса илекенсене анчахрах 433,2 млн тенкĕ /федераци бюджетĕнчен - 300,7, республикăн - 132,5/ куçарса панă. Пĕлтĕрхи çак вăхăтрипе танлаштарсан 41% ытларах. Апла пулсан аграрисен çур акине хатĕрленме майсем çителĕклĕ. Çурхи кун вăхăт хаклă пулнине самантлăха та манас марччĕ.
Ака уйăхĕн 18-мĕшĕнче Шупашкарта, филармони çуртĕнче 18 сехет те 30 минутра Тăвайсен ентешлĕхĕ иртет. Унта Тăвай райповĕн продукцийĕпе, халăх пултарулăхĕн маçтăрĕсемпе паллашма, концерт курса киленме май пулĕ.
Çак куна Йĕпреç районĕнчи водительсем чылайранпа кĕтнĕ. Ара, машинăна бензинпа мар, çут çанталăк газĕпе çÿреттерес тесен вĕсен хальччен е Вăрнара, е Канаша çитмелле пулнă. Пĕри Йĕпреçрен 20, тепри 40 çухрăмра вырнаçнă. Ака уйăхĕн 9-мĕшĕнче водительсем çут çанталăк газне «Татнефть-АЗС Центр» пĕрлешÿн тăван район центрĕнчи станцире кĕтсе илнĕ. Хăйсен машинисене газпа «апатлантаракансем» халĕ кăмăллă.
Етĕрнери спирт завочĕн шăпи тинех уçăмланать пулас. Район администрацийĕн пуçлăхĕ Владимир Кузьмин «Хресчен Сасси» корреспондентне пĕлтернĕ тăрăх - предприятии ĕçлесе каяс шанчăк çуралнă. Цехсенчи оборудование «Росспиртпром» акционер обществи çине куçарас ĕç вĕçленсен продукци кăларма пуçлĕç.
2014 çулта Тăван çĕр-шывăн Аслă вăрçин 95 ветеранĕ пурăнмалли условийĕсене лайăхлатма пултарать. Финанс министерстви пĕлтернĕ тăрăх - Чăваш Енри ветерансем валли федераци бюджедĕнчен 100,2 млн тенкĕ килсе çитнĕ.
Сĕнтĕрвăрринче ял шахматисчĕсен республика фестивалĕ иртнĕ. Унта Элĕк, Куславкка, Çĕрпÿ, Вăрнар, Шупашкар, Патăрьел, Красноармейски районĕсен тата Çĕнĕ Шупашкар хулин представителĕсем хутшăннă.
Чăвашла верси
Русская версия
