Новости по теме

20 Пуш, 2023

Экономика ÿсĕмлĕ

Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура экономика аталанăвĕн министрĕн пĕрремĕш çумĕ Надежда Столярова экономикăн тĕрлĕ отраслĕ кăрлач-нарăс уйăхĕсенче мĕнле ĕçленипе паллаштарчĕ. Кăмăллă пулма сăлтав пур. Иртнĕ çулхи çак тапхăртипе танлаштарсан промышленноç производстви 11% хушăннă. Надежда Юрьевна ăнăçлă ĕçлекен предприятисене асăннă май «Элара», ЧЗСА, В.Чапаев ячĕллĕ пĕрлешÿ, «Химпром», «Лента», «Чăвашторгтехника» импорта хамăрăн продукципе улăштарас енĕпе тăрăшуллине палăртрĕ.

Публицист шухăшĕ
20 Пуш, 2023

Тĕрĕслеве вăйлатĕç

Ĕç тăвакан влаç органĕсен тата муниципалитетсен ертÿçисемпе ирттернĕ тунтикунхи канашлăва  ЧР Пуçлăхĕ Олег Николаев пăтăрмахран — Çĕрпÿ округĕнче Çĕпĕр мурĕ çынсене ернĕ тĕслĕхе тупса палăртнинчен — пуçларĕ. Кунашкалли тата пуласран хÿтĕленме, ун шучĕпе, выльăха пуснă хыççăн продукцин малалли çулне уçăмлă туни пысăк пĕлтерĕшлĕ. Çавна май вăл ветеринари службине ку енĕпе право хуралĕн органĕсемпе пĕрле ĕçлеме чĕнсе каларĕ.

Кун хыççăн кун
19 Пуш, 2023

"Ывăлсем пире хÿтĕлемесен камсем хÿтĕлĕç?"

Украинăри çар операцине хутшăнакан салтаксем икĕ эрне отпускра пулнă хыççăн хăйсен тивĕçне пурнăçлама тухса кайрĕç. Вĕсене çывăх çыннисем Шупашкартан ăсатса ячĕç.

Кун хыççăн кун
17 Пуш, 2023

Яманак вулавăшне пуянлатнă

"Хыпар" Издательство ҫурчĕн ĕҫченĕсем Красноармейски округĕнчи Яманак ялĕн вулавӑшне кĕнекесем парнеленĕ.

"Чун ҫимĕҫĕн" ытларах пайне "Хыпар" Издательство ҫурчĕн тĕп редакторĕн ҫумĕ Дмитрий Моисеев парса янӑ. Вулавӑш хуҫи Галина Ефимова чунтан савӑннă, хыпарҫӑсене ӑшшӑн тав тунă.

www.hypar.ru

Культура
14 Пуш, 2023

Гдов тăрăхĕнчи истори музейĕнче пирĕн ентешĕн Лев Магнитский ĕçĕсен куравĕ уçăлнă

Çамрăк ÿнерçĕ Çĕнĕ Шупашкарта çуралса ÿснĕ. Нумаях пулмасть çеç вăл Питĕрти Иогансон ячĕллĕ ÿнер лицейĕнчен вĕренсе тухнă.

Культура
14 Пуш, 2023

Чăвашсене çутта кăларнă Иван Яковлевăн пурнăçĕ Тутарстанпа çыхăннă

Иван Яковлевич çуралнăранпа 175 çул çитнине халалланă мероприятисем Тутарстанра та иртĕç.

Кун хыççăн кун
13 Пуш, 2023

Кăçалхи программăра — 190 çурт

Ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлăва ЧР Пуçлăхĕ Олег Николаев ку хутĕнче çулсене пăхса тăрас тĕлĕшпе тимлĕ пулма чĕнсе каланинчен пуçларĕ: «Çуркунне çитнĕ май асфальт арканать, штăк-путăк çул çӳреве чăрмантарать. Çулсен вăл е ку сыпăкĕсене хăçан йĕркене кĕртесси çинчен халăха информаци парсан çынсен кăмăлсăр ыйту сахалрах пулĕ...»

Публицист шухăшĕ
10 Пуш, 2023

Çынсем министра та хăйсемпе тан курасшăн...

«Çĕнĕ хум политикĕсем» — Правительство çуртĕнче çак ятпа эрнекун иртнĕ семинара министрсем, муниципалитетсен ертӳçисем хутшăнчĕç. Калаçу паянхи условисенче чиновниксен, политиксен социаллă сетьсенче, интернет анлăшĕнче хăйсене мĕнле тытмалли тавра пычĕ. Шута илмелли ку сферăра пайтах — вĕсем çине алă сулсан халăх шанăçне çухатасси те часах.

Кун хыççăн кун

Pages

Хыпарсем