Новости по теме

16 Юпа, 2023

Çĕнĕ шкулсем çĕкленеççĕ

ЧР Пуçлăхĕ Олег Николаев ирттерекен тунтикунхи канашлура «ПроШкола» пĕрлĕхпе шкулсем тума алă пуснă килĕшĕве пурнăçласа тăвакан шкулсен строительствипе вĕрентӳ министрĕн пĕрремĕш çумĕ Алексей Лукшин паллаштарчĕ. Сăмах виçĕ шкул пирки пырать. Тĕп хулари Хĕвеллĕ микрорайонта 1400 вырăнлăх объектра 3-мĕш стройтрест ĕçлет. Шкула çитес çул вĕçĕнче хута ямалла. Объект пысăк — тăватă блокран тăмалла: аслă тата кĕçĕн классем вĕренмеллисем, 700 вырăнлăх столовăй, 460 вырăнлă курав залĕ, бассейн... Хальлĕхе унта ĕçсен 16% пурнăçланă.

Публицист шухăшĕ
16 Юпа, 2023

Çуртсене ăшă панă

Çурт-йĕре хутса ăшăтмалли тапхăра мĕнле пуçланине тунтикунхи канашлура строительство министрĕ Михаил Коледа хакларĕ. Пурăнмалли çурт-йĕре ăшăпа тивĕçтересси 100% танлашать, социаллă об±ектсем тĕлĕшпе ку кăтарту 99,68% шайĕнче. Хальлĕхе Улатăрсен 3, Комсомольскисен 5, Етĕрнесен 2 культура учрежденийĕнче ăшă çук. Шупашкарта 2 шкулта капиталлă юсав ĕçĕсем пыраççĕ — çавăнпа сивĕ.

Публицист шухăшĕ
16 Юпа, 2023

Укçапа тухăçлă усă курмалла

Пĕрремĕш вице-премьер — финанс министрĕ Михаил Ноздряков тунтикунхи канашлура кăрлач-авăн уйăхĕсене бюджет тупăшĕ-расхучĕ урлă хакларĕ. Республикăн пĕрлехи бюджетне пурнăçласси профицитлă — тупăш 77,7 миллиард тенкĕпе танлашнă. Çакă çынсен ĕç укçи хушăннине кура налуксен калăпăшĕ пысăкланнипе те сăлтавланать. Михаил Геннадьевич республика уйăхсерен бюджетăн 6-7 миллиард тенкине тăкакланине çирĕплетрĕ. Юлнă виçĕ уйăх валли вара тата 30 миллиард юлать, эппин, уйăхсерен усă курмалли виçе те пысăкланать — 10-шар миллиард патнелле.

Публицист шухăшĕ
16 Юпа, 2023

Промышленноçпа строительство уйрăмах ӳсĕмлĕ

«Мĕн пур кăтарту Раççейри вăтам шайран пысăкрах», — çапла каласа пуçларĕ хăйĕн сăмахне вице-премьер — экономика аталанăвĕн министрĕ Дмитрий Краснов. ЧР Пуçлăхĕ Олег Николаев тунтикун ĕç тăвакан влаç органĕсен тата муниципалитетсен ерӳçисемпе ирттернĕ канашлура республикăн кăçалхи кăрлач-авăн уйăхĕсенчи социаллă пурнăçпа экономика аталанăвне пĕтĕмлетрĕç.

Публицист шухăшĕ
5 Юпа, 2023

Ресоциализаци общество хăрушсăрлăхне тĕревлет

Шупашкарта кĕçнерникун РФ Федераци Канашĕн Конституци саккунĕсем тата патшалăх строительстви енĕпе ĕçлекен комитечĕн вырăна тухса йĕркеленĕ ларăвĕ иртрĕ. Пухăннисем «Судпа айăпланнисен паянхи условисенчи ресоциализацийĕ» ыйтăва сӳтсе яврĕç.

Публицист шухăшĕ
2 Юпа, 2023

Тăваткал метрсем çителĕксĕр

Тунтикунхи канашлу пурăнмалли çурт-йĕр тăвассипе çыхăннă ыйтупа вĕçленчĕ. Вăл, тĕрĕссипе, малтан палăртнă кун йĕркинче çукчĕ, анчах Павел Данилов вице-премьер сăмах памашкăн ятарласа ыйтрĕ те — çакă та сисчĕвленме сăлтав пачĕ.

Публицист шухăшĕ
2 Юпа, 2023

Хуçасăрри юхăнать...

Хуçасăр гидротехника сооруженийĕсемпе çыхăннă çивĕч ыйтăва çут çанталăк ресурсĕсен министрĕ Эмир Бедертдинов тунтикунхи канашлура çĕклерĕ. Республикăра ГТСсен шучĕ 554-па танлашать. 82-шĕ — хуçасăр. Муниципалитетсен вĕсене хăйсен балансне илмелле — кун пирки вĕсемпе калаçса татăлнă. Çулталăк пуçланнăранпа хуçасăррисен шучĕ самай чакнă, анчах хăш-пĕр округра унашкаллисем çав-çавах чылай-ха. Вĕсен пуçлăхĕсен канашлура çакăн сăлтавне ăнлантарма тиврĕ.

Публицист шухăшĕ
2 Юпа, 2023

Грипран та сыхланмалла, ковидран та

ОРВИ, грипп, коронавирус тĕлĕшпе пулма пултаракан эпидеми тапхăрне хатĕрленесси ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлăвăн кун йĕркинчи тĕп ыйту пулчĕ.

Сывлăх

Pages

Хыпарсем