Тăван Атăл

Нумаях пулмасть редакцие паллакан çыравçă кĕрсе тухрĕ. Сĕтел çинче выртакан хаçат купине курсан вăл сӳрĕккĕнреххĕн сăмах пуçарчĕ:

- Тахçанах пулать чăвашла вуламанни, мĕн çыраççĕ хаçатсем?

Тăван чĕлхепе хаçат-журнал çырăнса илме ăна арăмĕ чарать иккен. Шалкăм çапасран е пĕр-пĕр инфаркт ярса илесрен питĕ асăрханас пулать. Юн пусăмĕ ытла та хăвăрт хăпарса кайсан çапла çав, эмел ĕçсен аран-аран лăпланатăн.