Помидор калчисене чылайăшĕ малтан ешчĕксене акать, кайран пĕчĕк чÿлмексене куçарать. Унтан тин яланхи вырăна, йăрансене лартать. Хăш-пĕр пахчаçă вара калчасене ытлашши амантмасăр çитĕнтермелли меслетпе те усă курать. Чылайăшĕ ăна стрессăр ÿстернĕ калча тесе калать.
Пĕрремĕш меслет. Пуш уйăхĕнче, сад-пахчара юр выртнă чухнех пĕр-пĕр çимĕç акмалли йăран вырăнне палăртăр. Çĕр хăвăрт ăшăнма çав вырăна пленкăпа витĕр. Ака уйăхĕнче çав вырăнти çĕре кĕреçе тарăнăш хускатса чĕрĕ тислĕк хурăр, тăпрапа хуплăр.