Таркăна тытнă
28 çулти Роман Сидорова, çу уйăхĕн 19-мĕшĕнче ФСИНăн республикăри управленийĕн юсанмалли 3-мĕш колонийĕнчен тарнăскере, иртнĕ шăмат кун каçхине тытса чарнă.
Паллах, шыравăн пĕтĕм вăрттăнлăхне уçса памаççĕ, Следстви комитечĕн Чăваш Енри управленийĕн пресс-служби пĕлтернĕ тăрăх - таркăна асăннă колони сотрудникĕсем засада йĕркелесе Çĕнĕ Шупашкарти груз юхан шыв порчĕн территорийĕнче тытнă. Сидоров право хуралĕн органĕсен сотрудникĕсене хирĕç тăнă-мĕн. Вĕсенчен пĕрне уринчен чукмарпа çапнă.