Комментари хушас

Иртнĕ эрнере манăн хам çуралнă яла çитсе килме май пулчĕ. Урампа пынă чухне кĕçĕн çулхи ачасен пĕр ушкăнне куртăм. Вĕсем пĕр пиллĕкĕн-улттăн, çулĕсемпе пĕрремĕш-виççĕмĕш классенче вĕренекенсем пек курăнчĕç. Шавлăн калаçса хаваслăн кулса тем хĕвĕшетчĕç, сиккелесе-чупкаласа пĕр-пĕрин тавра çаврăнатчĕç. Ачасен ушкăнĕ патне çывхарса пынă май вĕсем вырăсла калаçнине илтрĕм. Эпĕ вĕсем хуларан килнĕскерсем пуль тесе шухăшларăм. Патнерех çитсен:

— Салам! Эсир ăçтан килнĕ ачасем пултăр-ха? — тесе сăмах хушрăм.

— Çук-çук, эпир таçтан килнĕ ачасем мар, ку ялтах пурăнатпăр, — хаваслăн хуравларĕ хăюллă, вичкĕн куçлă арçын ача.

— Апла пулсан эсир мĕншĕн вырăсла калаçатăр? Сирĕн хушăра чăвашла пĕлмен ача пур-и? — ыйтрăм вĕсенчен.

— Çук, эпир пурте çак ялтанах, пурте чăвашла пĕлетпĕр, — янăравлă сасăпа хуравларĕ çав арçын ачах.

— Ачасем, сиртен хăшĕ те пулин Чăваш Республикин Пуçлăхĕ пулас темест-и? Ун пек ĕçе суйланас тесен чăваш чĕлхине лайăх пĕлмелле, — тăсрăм хамăн калаçăва.

— Эпĕ ĕмĕтленетĕп, — хăвăрттăн шăплăха сирчĕ çав арçын ачах. Ытти ача унăн сăмахĕсене илтсен хытă кулса ячĕ.

— Пулаймасть вăл, пулаймасть. Ăна вĕрентекенсем урокра хăйне япăх тытнăшăн час-часах ятлаççĕ, — куларах каларĕ кăвак куçлă чипер хĕр ача. <...>

Ялтан кайичченех çак ыйтусем ман пуçран тухма пĕлмерĕç. Шутламанччĕ, кĕтменччĕ хамăн тăван ялта кун пеккине курасса. <...> Тÿрех палăртас пулать — тĕп сăлтавĕ ачасенче мар, ашшĕ-амăшĕнче. Мăнукĕ хуларан яла аслашшĕ-асламăшĕ, кукашшĕ-кукамăшĕ патне килсен унпа пурте, хăйсем вырăсла лайăхах калаçма пĕлмеççĕ пулин те чĕлхе хуçа-хуçа пуплеççĕ. <...> Тулли верси...