Татьяна НАУМОВА

Пин-пин халăх хушшинче чăвашах пулса юлас тесен пирĕн тăван чĕлхене çеç мар, культурăна, йăла-йĕркене те упраса хăвармалла», — тухса калаçрĕ палăрнисене сăмах панă май Йĕпреç районĕнчи Пучинкери вăтам шкулта чăваш чĕлхипе литератури вĕрентекен Людмила Клементьева.

Эрех-сăра, ĕçкĕ-çикĕ ырă туманни пирки мĕн чухлĕ калаçмастпăр-çырмастпăр пуль!? Черккепе туслашни пурнăçăн тÿнтер енĕ иккенне, çутти этемлĕхре çынлăх туйăмне кăкланине кашниех пĕлетпĕр-ха. Апла пулин те кун пирки хушăран аса илтермех тивет. Тĕрĕссипе, Çĕнĕ çул умĕн лайăххи пирки çеç сăмах пуçарас килет те... Çав вăхăтрах шăпах пысăк уяв умĕн эрех-сăра сиенĕ çинчен тепре асăрхаттарни те вырăнлă-тăр. Шăпах киввине ăсатса çĕннине кĕтсе илнĕ тапхăрта Раççейре эрех-сăра ытти чухнехинчен нумайрах юхать вĕт!

Чăваш Енри Хĕрарăмсен союзĕ тухăçлă ĕçленине çирĕплетсе çĕнĕрен-çĕнĕ проектсем хатĕрлесе пурнăçа кĕртет. Вĕсенчен чылайăшĕ федераци грантне те тивĕçет. Черетре — «Килти çураçулăх — çемьери чи пысăк телей» вĕрентÿ программи. Ăна раштав уйăхĕн 22-мĕшĕнче Наци библиотекинче презентацилерĕç.

Пирĕн республикăн спорт историйĕ çав тери анлă та пуян. Чăваш хĕрĕсемпе арĕсем, пикисемпе яшĕсем, ачисем тĕрлĕ шайри ăмăртура палăраççĕ. ЧР Пуçлăхĕн парнисене çĕнсе илессишĕн хĕрарăмсен хушшинче ирĕклĕ майпа кĕрешес енĕпе Раççей уçă кубокĕ йĕркелени те кураканшăн çĕнĕлĕх мар. Вăл пирĕн патра тăваттăмĕш хутчен иртет. Иккĕмĕш çул хăйне май шоу евĕр йĕркелеççĕ ăна.

Çын ĕмĕрĕ мĕнрен килет-ши? Паллах, сывă пурнăç йĕркине пăхăнни те, чун-чĕре тасалăхĕпе ăшăлăхĕ те, шухăш-кăмăл ырăлăхĕпе уçăлăхĕ те витĕм кÿреççĕ-тĕр. Нумай-нумай сăлтав хушшинче йăхран пыракан пахалăха та палăртма юрать-тĕр. Етĕрне районĕнчи Урпаш ялĕнче пурăнакан Антонинăпа Любовь Леонтьевăсен ашшĕ те, амăшĕ те çамрăклах вилнĕ. Ачисене çĕр çинче сахал мар çул кун кунламашкăн вĕсем пиллесе хăварнă-ши? Çÿлтен пулăшса пынă-ши? Аппăшĕпе йăмăкĕ пĕрле пурăннипе, пĕр-пĕрне хăват хушнипе çыхăнтармалла мар-ши тата çакна? Пĕр юн юхать-çке вĕсенче. Йывăрлăхра та, савăнăçра та яланах юнашар вĕсем. Пурнăç тăршшĕпех çапла.

Pages

Subscribe to Татьяна НАУМОВА