Министрсен Кабинечĕн ЧР Пуçлăхĕ Михаил Игнатьев ертсе пынипе эрнекун иртнĕ ларăвĕнче Правительство членĕсем республикăн 2015 çулхи, планпа пăхнă 2016 тата 2017 çулсенчи тапхăрти бюджечĕ çинчен калакан саккуна улшăнусем кĕртессине ырларĕç. Сăмах 2015 çулхи бюджетăн тупăш пайне пысăклатасси пирки пырать.
Республикăн Аслă сучĕ хÿтĕлекен енĕн Шупашкарти Мускав районĕн сучĕн Алексей Федяров тĕлĕшпе палăртнă приговорĕ пирки çырнă çăхава пăхса тухнă та ăна тивĕçтермесĕр хăварнă. Аслă суд йышăнăвĕпе айăпланакан тĕлĕшпе палăртнă яваплăх мерине кăна, штраф виçине, улăштарнă: 1 млн тенкĕрен 800 пин тенкĕ таран чакарнă. Ирĕклĕхсĕр хăвармалли вăхăт çаплипех юлнă - 4 çул та 5 уйăх. Çак вăхăта Федяров пĕтĕмĕшле режимлă колонире ирттерĕ.
Пакунлă çынсем взятка илни пирки ÿркенменни кăна калаçмасть. Илменни çинчен сайра хутра çеç сăмахлатпăр. Ку тĕслĕх - шăпах çак ретрен.
Инкек ытларикун каçхине 17 сехет çурă тĕлнелле М-7 автотрассăн 662-мĕш километрĕнче пулнă. Шупашкар районĕнчи Апаш ялĕ тĕлĕнче харăсах 7 транспорт хатĕрĕ аварие лекнĕ.
Канаш районĕн сучĕ хăй вăхăтĕнче Чăваш патшалăх университечĕн Канашри филиалне ертсе пынă Борис Волкова каллех айăпланă. Ку хутĕнче те - взятка илнĕшĕн, должноç полномочийĕсемпе киревсĕр тĕллевпе усă курнăшăн.
Чăвашла верси
Русская версия
