Юхăннине инвестор çĕнетĕ
Чăваш Ен Пуçлăхĕ тунтикунсерен ирттерекен канашлура Шупашкар хулин ăшăпа тивĕçтерекен объекчĕсене «Т-Плюс» компание концессие парас ыйту тавра тĕплĕ калаçу пулчĕ. Ăшă сечĕсем, котельнăйсем кивелсе çитни паллă — вĕсен пысăк пайĕ 25 çултан та аслăрах. Çавна май ăшăпа тивĕçтерессин шанчăклăхĕ уксахлать, энерги çухатăвĕсем пысăк, аварисем час-часах пулаççĕ – вĕсен шучĕ ӳссе пырать.