Литература çулталăкĕ пичет ĕçченĕсене те хавхалану кÿчĕ. Çыравçăсем, хăйсен вăйĕпе кĕнекесем кăларма çăмăл мар пулсан та, пĕрин хыççăн тепри хайлавĕсене кун çути кăтартма пултарчĕç.
Çак кунсенче Хусанта Архивсен Пĕтĕм тĕнчери канашĕн Евроази регион уйрăмĕн Пĕрлехи 16-мĕш конференцийĕ иртнĕ. Мероприятире уйрăмăн 2013-2016 çулсем валли палăртнă Ĕç планĕ мĕнле пурнăçланнине, ытти ыйтăва сÿтсе явнă.
Чăваш патшалăх гуманитари ăслăлăхĕсен институчĕ йĕркеленнĕренпе 85 çул çитрĕ. Çак тапхăрта пĕчĕк йышран гуманитари ăслăлăхĕн тĕп килĕ пулса тăнă. Чи малтанхи тата паянхи ăсчахсен ĕçĕ-хĕлĕ çинчен "Хыпар" хаçатăн иртнĕ номерĕсенчен пĕринче тĕплĕн çырса кăтартнăччĕ.
Ĕнер вара институтра сумлă юбилее халалланă савăнăçлă лару иртрĕ. Унта ăсчахсем кăна мар, культурăпа искусство, общество хастарĕсем те хутшăнчĕç. Çакă ахальтен мар - институт ĕçченĕсем республика пурнăçĕпе тан пыраççĕ, ун çыннисен кунçулĕпе кăсăклансах тăраççĕ.
«Старко» фирма» ОООн ĕçченĕсем Чăваш наци музейĕн сотрудникĕсенчен пулăшу ыйтнă. Акă, мĕн сăлтавпа: Çĕнĕ Шупашкарти юханшыв портĕнчен тиесе килнĕ гравмассăна машинăран пушатнă май Константин Корочков рабочи ыттисенчен уйрăлса тăракан япала тупнă.
Çеçпĕл Мишшин Шупашкарти музейĕ çĕнĕ экспонатпа пуянланнă: Юрий Григорьев поэтăн тĕрленĕ портретне парнеленĕ. Юрий Владимирович сувенир продукцийĕсене компьютер технологийĕпе хатĕрлет. Вăл яланах шыравра. Çĕçпĕл Мишшин пултарулăхĕпе тĕплĕн паллашнă хыççăн пуçăннă та ĕнтĕ вăл çак ĕçе.
Чăвашла верси
Русская версия
