Ирина ПУШКИНА.

Хăйĕн çинчен калаçнине ытла та юратмасть-çке вăл. Ахальлĕн пулсан-и! Пĕр-пĕр журналист тахçанах кăсăклă материал çырса вулакана унпа çывăхрах паллаштармаллаччĕ. Халĕ епле çавăрма май килчĕ-ха Раштав кăмăлне? Сăлтавĕ пуррипе. Чăваш эстрада тĕнчине икçĕр ытла юрăпа пуянлатнă авторăн 2015 çулта иккĕмĕш кĕнеки те кун çути курчĕ. Хальхи вăхăтра вара Валерий Раштав сăввисене тĕпе хурса чи вăйлă юрăçсем хăйсен репертуарĕсене хатĕрлеççĕ.

Çу уйăхĕн 19-мĕшĕнче Чăваш Енре тăван чĕлхепе литература енĕпе шкул ачисемпе студентсен пĕтĕм тĕнчери олимпиади иртнĕ. Пуçласа çакăн пек анлă шайра пуçарнă тупăшăва Чăваш Республикинчи Амăшĕпе Ашшĕн çулталăкне халалланă.

24 May, 2016 | Вĕрентÿ

Айккинчен пăхсан — парад иртет тейĕн, тĕрĕссипе вара Шупашкарти 14-мĕш шкул вĕренекенĕсем — тĕттĕм кăвак кительлĕ, пилоткăллă хĕрсемпе яшсем, шкул картлашки çине тин ярса пуснă шăпăрлансемпе вĕсенчен аслăрах ÿсĕмри ачасем — "юлашки шăнкăрава" халалланă линейкăна пухăннă. Вĕсем кăна-и? Кĕç-вĕç сывпуллашма хатĕрленекен кадетсене вĕренсе пĕтернĕ ятпа саламлама шкулăн пĕтĕм ĕçченĕ, ашшĕ-амăшĕ пуçтарăннă. Сумлă хăнасем те килсе çитрĕç: Чăваш Республикин Пуçлăхĕ Михаил Игнатьев, ЧР вĕренÿпе çамрăксен политикин министрĕн тивĕçĕсене вăхăтлăх пурнăçлакан Светлана Петрова, Шупашкар хула администрацийĕн пуçлăхĕ Алексей Ладыков, ЧР ШĔМĕн представителĕсем.

Сĕнтĕрвăрри районĕнчи Шуршăл ялне пырса кĕмессерен икĕ туйăм тыткăнне лекетĕп. Пĕри - çак тăрăхра чăвашсене тĕнчипе чапа кăларнă мухтавлă ентешĕмĕрпе Андриян Николаевпа мăнаçланни. Тепри - республика çыннисемшĕн Мекка евĕр пулмалли хутлăх, хăйĕн ĕмĕрĕнче таçти кĕтесрен те хăнасене йышăннăскер, чăвашсен ытти нумай ялĕнчен нимĕнпех те уйрăлса тăманнинчен тĕлĕнни. Кунта пурăнакансем сăпайлăхĕпе, тараватлăхĕпе, тăван кĕтесе чунтан юратнипе вара чăннипех те уйрăлса тăнине пĕрре мар сиснĕ.

Pages

Subscribe to Ирина ПУШКИНА.