Инкеке лекнисене пулăшас тесе хăйсен сывлăхĕпе пурнăçне хĕрхенмен çынсене чăн-чăн паттăрсемпе танлаштарас килет: вĕсем çунакан çурта та кĕреççĕ, пăрлă шыва та чăмаççĕ… Кун-çулне çак профессипе çыхăнтарнисенчен /пушарнăйсенчен, çăлавçăсенчен/ чи лайăххисене — Пĕтĕм Раççейри «Созвездие мужества» фестивалĕн республикăри тапхăрĕн çĕнтерÿçисене — Чăваш наци музейĕнче чÿк уйăхĕн 18-мĕшĕнче чысларĕç.
ЧР Патшалăх Канашĕн черетлĕ виççĕмĕш сессийĕн пĕрремĕш тапхăрĕнче 20 ыйту пăхса тухрĕç, çапах чи калаçтараканни Чăваш Республикин 2017 çулхи тата планпа пăхнă 2018-2019 çулсенчи тапхăрĕн бюджечĕн проекчĕ пулчĕ.
Çынсене авариллĕ çурт-йĕртен çĕнĕ хваттерсене куçарасси, автоçулсене тата шкул автобусĕсен маршручĕсене тĕрĕслесе тăрасси, çуртсем çумĕнчи ача-пăча лаптăкĕсен, физкультурăпа спорт объекчĕсен тăрăмĕ — шăпах çак ыйтусене сÿтсе яврĕç Пĕтĕм Раççейри халăх фрончĕн Чăваш Енри регион уйрăмĕн конференцийĕнче.
Хамăр алăпа ăсталанă парнерен пахараххи çук. Çакна Патăрьел районĕнчи Тури Туçари шкул библиотекарĕ, хушма пĕлÿ паракан педагог Антонина Глинкина питĕ лайăх пĕлет. Ахальтен мар ĕнтĕ вăл чăваш тумĕ-эрешĕ тăхăнтартнă пуканесем Чăваш Енĕн чылай кĕтесне çеç мар, Тутарстана, Мускава, Якутие, Токиопа Грецие те çитнĕ, вĕсем халĕ те хăйсен çĕнĕ хуçисене савăнтараççĕ, чăваш çĕрĕнчи маттур хĕрарăмăн алă ăшшине паянхи кунчченех упраççĕ.
Чăвашла верси
Русская версия
