Ĕнер республикăри Хĕрарăмсен канашĕн XVII-мĕш отчетпа суйлав съезчĕ иртрĕ. Унăн ĕçне Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев та хутшăнчĕ.
Пĕлÿ кунĕ çитрĕ те - çĕнĕ вĕренÿ çулĕнчи пĕрремĕш шăнкăрав пин-пин ачана шкул партти хушшине ларма йыхăрчĕ. Ăçта мĕнле пуль те, Чăваш Енре çанталăкĕ те çĕкленÿллĕ туйăма тата вăйлатас тенĕн лайăх килсе тухрĕ: кĕрхи сулхăна сап-сарă хĕвел «çемçетес» тесе питĕ тăрăшрĕ.
Пуçланчĕ! Çак сăмаха паян урăх нимĕн пирки те мар, çĕнĕ вĕренÿ çулĕ - уроксем, класс тулашĕнчи мероприятисем, киле панă ĕçсем, тĕрлĕ кружокпа олимпиадăсен вăрăм вăчăри... - тĕлĕшпе кăна калатпăр. Пĕр хушă шăплăх хуçаланнă шкулсем çĕнĕрен чĕрĕлнине - ачасен хаваслă сассипе, куллипе тулнине - сăнама кăмăллă. Ачасем кирек хăш саманара та пурнăç тăсăмĕн пĕлтерĕшлĕ палли-çке.
2015 çулта çĕнĕ вĕренÿ çулне пуçлама еплерех хатĕрленнине республикипе 464 шкулта, 399 ача садĕнче, професси пĕлĕвĕ паракан 19 учрежденире, 16 интернат шкулта, 3 ача çуртĕнче тĕрĕслĕç. Юсавпа тирпей кĕртес ĕçсене мĕнлерех ирттернине хаклакан йышăну тапхăрĕ июлĕн 20-мĕшĕнчен тытăнса августăн 15-мĕшĕччен пырĕ.
Вĕренÿ учрежденийĕсене çĕнĕ вĕренÿ çулне хатĕрлесе çитермешкĕн республика хыснинчен пурĕ 670 миллион тенкĕ укçа уйăрнă. Çак нухратпа юсав ĕçĕсем ирттерме кăна мар, пурлăх никĕсне пуянлатма та усă курĕç.
Чăвашла верси
Русская версия
