Шупашкар районĕнчи Çатракассинчи Игнатьевсен кил хуçалăхĕ — лайăххисен шутĕнче. Ял тăрăхĕн администрацийĕнче ĕçлекенсем типтерлĕ те хитре пурăнакан, ыттисемшĕн тĕслĕх шайĕнчи çемьене кайса кăтартмасăр чăтаймарĕç. Вĕсем кил çумĕнчи пысăках мар çĕр лаптăкне чăн-чăн çăтмаха çавăрнă.
Çулĕпе çамрăках мар Зоя Тимофеева ял çыннисемпе ытлах хутшăнмасть: килтен сайра çеç тухать, кÿрше-арша каçмасть, хăй патне пыракана алăк шаккасан та уçса кĕртмест. Пĕчченлĕхпе тахçанах çырлахнă вăл.
Йĕпреç районĕнчи Пучинкери 27 çулти Алина çак кунсенче тăватă пĕчĕк ачине килте пĕчченех пăрахса хăварнă та темиçе кунлăха çухалнă. Упăшки çав вăхăтра Мускав тăрăхĕнче шапашра пулнă. Сисчĕвленсе ÿкнĕ кÿршисем полицие шăнкăравласа пĕлтернĕ.
Çĕрпÿ районĕнчи Тĕнсĕр ялĕнчи 99-ти Евгения Константинова Тăван çĕршывăн Аслă вăрçинче 1942-1945 çулсенче çапăçнă. Хĕрлĕ Çăлтăр орденне тивĕçнĕскер мĕн тÿснине пире те каласа кăтартрĕ.
Муркаш районĕнчи Тури Тăмлайри 71 çулти Алевтина Васильевна мăшăрĕпе Александр Петровичпа пĕр ывăлпа виçĕ хĕр пăхса çитĕнтернĕ. Пурне те пĕрешкел воспитани панă. Анчах чи кĕçĕнни чи ачашши тени тÿрре килнĕ-ши? Марина шкултан вĕренсе тухсанах темшĕн тĕрĕс çулран пăрăннă. Хăйĕн çăмăлттайлăхне пула ашшĕ-амăшĕн чунне мĕн чухлĕ ыраттарман-ши хĕр-упраç?
Чăвашла верси
Русская версия
