Хальхи вăхăтра кашни виççĕмĕш çамрăка çурт-йĕр ыйтăвĕ кăсăклантарать. Тин çеç ура çине тăраççĕ пулин те вĕсенчен чылайăшĕ хваттер туянмашкăн банкра кредит илме васкать. Анчах ăна уйăхсерен тÿлесе тăрасси ай-ай пит çăмăл мар. Кризис тапхăрĕнче пушшех те.
Спорт юхăмĕ епле аталанасси ертÿлĕхрен нумай килет. Тăрăшулăх пур пулсан ÿсĕм пулатех. Юлашки вăхăтра ку енĕпе нумай ĕç турĕç республикăра. Хуласемпе районсенче спорт керменĕсем çĕкленсе ларниех - пысăк çитĕнÿ. Спортăн çĕнĕ тĕсĕсем вăй илеççĕ, ачасемпе çамрăксем киревсĕр йăласенчен пăрăнса сывă пурнăç йĕркине суйласа илеççĕ. Çапах та пысăк ыйтусенчен пĕри вăл - район-хула администрацийĕсенче ятарлă физкультурăпа спорт пайĕсем çукки.
Паянхи кун эпир çĕнĕ технологисемпе инновацисен саманинче пурăнатпăр. Ăслă та пултаруллă çынсем тĕрлĕ япала шухăшласа кăларма, тĕрлĕ отрасльте кирлĕ çĕнĕлĕхсемпе тĕлĕнтерме тăрăшаççĕ. Вĕсене пурнăçа кĕме пулăшасси патшалăхпа общество организацийĕсен тивĕçĕ. Çак тĕллевпех темиçе çул каялла пирĕн çĕршывра технологисемпе инновацисене аталанма пулăшакан центрсем ĕçлеме пуçларĕç. Кĕске тапхăр хушшинче вĕсем миçе çынна тĕрлĕ канаш-сĕнÿ паман пулĕ, миçе çынна информаципе тивĕçтермен пулĕ.
Чăваш спорчĕн историйĕнче кунашкалли пулнă-и, пулман-и - пирĕн сумлă ветерансем вара тĕлĕнтерчĕç: Челябинск хулинче иртнĕ çĕршыв чемпионатĕнчен медальсен пуххипе таврăнчĕç. 35 çултан иртнĕ çăмăл атлетсен ăмăртăвĕн пĕтĕмлетĕвĕпе ентешĕмĕрсен команди виççĕмĕш вырăн йышăннă.
Чăвашла верси
Русская версия
