Анатолий ХОВАНСКИЙ

Олимп чемпионĕ Валериан Соколов 70 çул тултарать

«Депутат — халăх тарçи» теме хăнăхнă эпир. Çак каларăшăн пĕлтерĕшĕ питех те анлă. Чи сумлă, халăхăн ĕмĕт-тĕллевне тÿрре кăларма пултаракан çынсене шанса паратпăр эпир депутат мандатне.

Районти «Хĕрлĕ ялав» хаçат редакторĕн заместителĕнче нумай çул ĕçленĕ май кашни ялах темиçе хут çитнĕ, çынсемпе курса калаçнă. Çавăнпа ял тăрăхĕсен тата район Пухăвĕн депутачĕсене нумайăшне лайăх пĕлетĕп. Тÿрех каламалла: вĕсенчен чылайăшĕ сумлă çак ята чăннипех те тивĕçлĕ. Пуçаруллă пулнипе, пархатарлă ĕçсем тунипе палăрса тăраççĕ.