Алина ЛУКИЯНОВА

Çулла хĕвелпе хĕртĕнсе ÿте илемлĕ тĕс кĕртес текен чылай. Паллах, йĕркине пĕлсе хĕртĕнни сывлăхшăн та лайăх. Виçеллĕ хĕвел пайăркисем организма паха витĕм кÿреççĕ. Вĕсем «хĕвел гормонне» - D витамина - туса кăларма пулăшаççĕ.

Асамлă çак гормон иммунитета вăйлатать, депрессипе, стреспа кĕрешме, япаласен ылмашăнăвĕ пăсăлнипе пуçланнă чирсенчен сипленме, усал шыçă клеткисене пĕтерме, кальципе фосфора йышăнма, мышцăсемпе клеткăсене çирĕплетме, сурансене хăвăртрах ÿт илме пулăшать, юн çаврăнăшне ырă витĕм кÿрет, организм вăй-халне пĕтĕмĕшле ÿстерет.