Archive - 20 Çу, 2020 - Хресчен сасси

* Пыл хурчĕсене упрар

* Çамрăксем яла туртăнаççĕ

* Çĕр улми тăшманĕ

Хĕрлĕ Чутай районĕнче ял хуçалăх отраслĕн тĕревĕ — «Коминтерн» ЯХПК. Вăл аталану çулĕпе çирĕп утать.
ЯХПКра выльăх-чĕрлĕх йышлă усраççĕ: сысна — 2 пин, мăйракаллă шултра выльăх 1800 пуç. Çав шутра сăвăнаканнисем — 600 ĕне. Кĕтÿ татах пысăкланмалла. Юлашки çулсенче ЯХПКра инвестици проектне хута кĕртессипе — ĕне выльăх комплексне тăвассипе — ĕçлеççĕ.

Раççей ял хуçалăх надзорĕн Чăваш Енри тата Ульяновск облаçĕнчи управленийĕ карантин объекчĕсем пирки асăрхаттарать.
Республикăри карантин объекчĕсенчен пĕри — çĕр улмин ылтăн нематоди /3КН/. Вăл çĕр улмире глободероз чирне пуçарать. Çавна май тухăçа 30-80 процент таран çухатма пулать. Нематод вирусĕсем 15 çул таран упранаççĕ.
Асăннă карантина республика территорийĕнче 2007 çулта, хушма хуçалăхсен участокĕсенче, кĕртнĕ. Усал чире пысăк хуçалăхсенче асăрхаман. Çакă предприятисенче пусă çаврăнăшне пăхăннипе те çыхăннă.