Архив - 2016 - Çамрăксен хаçачĕ

Самана юхă­мĕнчен юлас мар тесен тĕр­лĕ ĕçпе аппаланмалла. Çак­на тĕпе хурса ĕçлет чăвашсен «Ирĕклĕх» общество пĕр­лешĕвĕ. Унăн хастарĕсем тăрăшнипе çĕнĕрен те çĕнĕ проектсем пурнăçа кĕреççĕ.

«Ача ÿстересси — вăйă мар», — тенĕ ваттисем. Унран çĕршыва юрăхлă çын тума мĕн чухлĕ вăй-хăват кирлĕ. Ют çыннăн ачине ура çине тăратасси вара — уйрăм калаçу. Ашшĕ-амăшĕн ăшшисĕр тăрса юлнăскере тăван тĕпренчĕк пекех çитĕнтерме кашниех пултараймасть.

Халăх хушшинче кĕнекесем сарнă май хăйне евĕрлĕ пулăм асăрхарăм: ытти район çыннисемпе танлаштарсан, Муркашсем питĕ хастар. Вĕсем «Çамрăксен хаçатне» вулама юратнине курса ĕнентĕм. Орининти библиотекăран ман ятпа электрон çыру килчĕ.

Çĕмĕрле хулинче пурăнакан Шестаковсен кĕçех 1-мĕш класа каякан кĕçĕн хĕрĕн Машăн хăйне евĕр хаваслă вăйă пур. Хĕрача хĕрлĕ шăлавар тăхăнса кăрккасен картишне кĕрет те çил ачи евĕр чупма тытăнать. Лешсем сасă кăларса ун хыççăн васкаççĕ.

Муркаш районĕнчи Çĕньял Орининра пурăнакан Валерьян Викторовичăн хушамачĕ сумлă. Пушкинсен кил-çурт таврашĕ те хушамачĕ евĕр илемлĕ.

Çĕр çин­че тĕрлĕ наци çынни пурăнать. Шăпа кампа çыхăнтарассине маларах пĕлме çук. Юрату тĕрлĕ наци çыннине пĕрлештерет. Вăрмар районĕнчи Энĕшпуç ялĕнче пурăнакан Алиевсен патĕнче пултăмăр. Чăваш хĕрĕпе Таджикистан йĕкĕчĕ ялта тĕпленнĕ.

Килĕрен спутник-турилкке лартса çĕр-çĕр телеканал пăхаççĕ халĕ çынсем. Хĕрарăмсем уйрăмах экстрасенссемпе, тĕшмĕшпе çыхăннă кăларăмсене пăхма кăмăллаççĕ. Çур çул каялла пĕр пĕлĕшĕм те унти юмăçсемпе калаçса чутах укçа çухатман.

Раççейри физкультурниксем çурлан иккĕмĕш шăматкунĕнче çулленех хăйсен уявне паллă тăваççĕ. Вĕсем çитĕнекен ăрăва сывă пурнăç йĕркине пăхăнма вĕрентеççĕ. Олимп резервĕсен ачасемпе çамрăксен Шупашкарти спорт гимнастикин шкулĕнче тренерта тăрăшакан Ольга Филиппова пурнăçне спорта халалланă.

Çурла уйăхĕн 5-мĕшĕнче Шăмăршăра иртнĕ судра пулма тÿр килчĕ. Аякри района çитме тĕв тытни ахальтен мар: Пуянкасси шкулĕнчи лару-тăру пирки “Çамрăксен хаçачĕн” çу уйăхĕн 5-мĕшĕнчи номерĕнче “Пĕчĕк шкулăн пысăк ыйтăвĕ” статья пичетленнĕччĕ. Директорпа географи учителĕ хушшинчи хирĕçтăру пирки те асăннăччĕ унта. Лару-тăру çавăнтанпа йĕркене кĕмен, пушшех çивĕчленнĕ. Людмила Бондареева директор Владимир Кудрявцева суда панă. Учитель пĕтĕм халăх умĕнче “Манăн ачана инвалид турăн” тесе пуçлăхăн ят-сумне вараланă-мĕн. /Телее, ачан сывлăхĕ йĕркеллех, вăл сусăр мар/.