Архив - 2016 - Çамрăксен хаçачĕ

Халăхра хăй кĕвĕленĕ юррисемпе палăрнă Марина ШУРАКĂША эпĕ сцена çинче пĕрре мар курнă.

Елчĕк районĕнчи Тăрмăшра çуралса ÿснĕ, халĕ Шупашкарта кун кунлакан тĕлĕнмелле çирĕп чунлă хĕрарăмпа курса калаçни ир тăрсан та, каç выртсан та пуçран тухмасть.

Хам çинчен кĕскен: ятăм — Виталий, хушаматăм — Семăнов. Эпĕ 19 çулта. Паттăрсене хисеплетĕп, истори романĕсене юратса вулатăп. Маншăн Вальтер Скотăн «Айвенго», Куçма Турханăн «Сĕве Атăла юхса кĕрет» романĕсем пĕр пекех кăсăклă. Çулленех истори реконструкцийĕсене хутшăнатăп.

Ырă кун пултăр, хаçатăн хисеплĕ ĕçче­нĕсемпе вулаканĕсем! «Юратупа наркăмăшри» статьясене чунран кăмăллатăп. Сирĕн кăларăм урлă çĕр-çĕр çын шăпипе кулленех паллашатăп. Хамăн çинчен çырса кăтартас шухăш пуçра тахçанах тĕвĕленнĕ. Хальхинче пуçланă çырăва вĕçлеме хал çитертĕм.

Конкурсра 2-мĕш вырăна тухнă Диана МОИСЕЕВА — Çĕрпÿ районĕнчи Чурачăкран, И.Н.Ульянов ячĕллĕ ЧПУн медицина факультетĕнче вĕренет. Çамрăк поэт вырăсла тата чăвашла сăвăсен пуххине кăларма ĕлкĕрнĕ. Унăн хайлавĕсем "Çĕрпÿ хыпарçи", "Тантăш" хаçатсенче тăтăшах пичетленеççĕ.

Çамрăк авторсен литература пултарулăхĕн "Çĕнĕ ятсем уçатпăр" конкурсĕн чăвашла поэзи номинацийĕн çĕнтерÿçисен пултарулăхĕпе паллаштаратпăр.

Юлашки вăхăтра çамрăксен хушшинче Инстаграм соцсеть анлă сарăлчĕ. Унта тĕрлĕ сăнÿкерчĕк, видео вырнаçтарма пулать. Çапла майпа аккаунт хуçи мĕнле пурăннине, мĕн çинине, мĕнле кăмăлпа вăранса куна епле ирттернине, кампа выртса тăнине тата тем те пĕр пĕлме пулать. Чăваш эстрада юрăçисем ку соцсете куллен сăнÿкерчĕксем вырнаçтараççĕ. Çапла майпа çăлтăрсен пурнăçĕпе çывăхрах паллашма май пур. Эппин, иртнĕ уйăхра Инстаграмра мĕн пулса иртнине тишкерер-ха. Малалла вулас...

Пултаруллă яш-кĕрĕмпе хĕр-упраçпа паллашнă май вĕсем пур çĕре те ĕлкĕрме вăхăт ăçтан тупни тĕлĕнтерет. Паянхи çамрăксем вĕреннĕ хушăрах ĕçлеççĕ, тĕрлĕ мероприятие хутшăнаççĕ. Чун киленĕçĕ валли вăхăт уйăрма та манмаççĕ.

"Прокуратура" сăмаха илтсенех куç умне суд залĕ, унăн сакки çинчи айăпланакан куç умне тухаççĕ. Анчах прокуратурăн ĕçĕ-хĕлĕ патшалăх айăплавçи пулса уголовлă ĕçпе суда тухасси кăна мар, тĕп тĕллевĕ — Раççей Конституцине пăхăннине тата саккунлăха тĕрĕслесси. Ахальтен мар "прокурор" сăмах латин чĕлхинчен куçарсан "хÿтĕлетĕп", "сăнатăп" тенине пĕлтерет. Саккунсем тăтăшах улшăннă, çĕнĕ полномочисем хушăннă саманара Тăвай районĕн прокуратури тĕрлĕ енпе курăмлă ĕçлет.