Иртнĕ эрнере ЧР Пуçлăхĕ Михаил Игнатьев Шупашкар районĕнче пулнă, ĕççи мĕнле пынипе тата ку тăрăхри Ленин ячĕллĕ хуçалăх ĕçĕпе паллашнă. Район активĕпе ирттернĕ канашлура тĕрлĕ ыйту хускатнă. Кунта аш-какай туса илесси 1,5 хут ÿснĕ.
Çурлан 17-мĕшĕнче Пăрачкав районĕнчи Напольное салинче пĕр хуçалăхра 4 уйăхри сысна çури вилнĕ. Вырăна ветеринарсем тÿрех çитнĕ, лабораторие илсе каймашкăн выльăхăн юнĕпе ашне илнĕ. Сысна Африка мурĕпе чирлине Владимир облаçĕнчи Покров хулинче ирттернĕ тĕпчев çирĕплетнĕ. Çак чрезвычайлă лару-тăру тавра калаçмашкăн Шупашкарта çеç мар, республикăн тĕрлĕ районĕнче те тĕлпулусем йĕркеленĕ. Напольное салинче — карантин, яла кĕрекен-тухакан кашни автомашинăна тĕрĕслеме тытăннă.
Тăван çĕршывăн Аслă вăрçинче Совет Союзĕ çĕнтернинче Сергей Пихтеров ветеранăн та пысăк тÿпе пур. Вăл вăрçă нуши-асапне вут-çулăм витĕр тухса астивнĕ, мĕн тери хăрушшине хăй курнă. Сергей Иванович Çĕмĕрле районĕнчи Тăванкасси ялĕнче çуралса çитĕннĕ. Хресчен çемйинче кун çути курнăскере, пĕчĕклех ашшĕсĕр юлнăскере амăшĕ пĕлÿ парассишĕн тăрăшнă. Çемьери пилĕк ачаран тăваттăмĕшĕ пулнăскер Хĕрлĕ Чутай районĕнчи Штанашри шкула сукмак хывнă. Тăрăшса вĕреннĕ Çеруша вăтам пĕлÿ илсен Вăрнар районĕнчи пĕр шкула направленипе ĕçлеме янă.
«Инкек ĕрчевлĕ, нуша тĕревлĕ», — тенĕ ваттисем. Елчĕкре пурăнакан Марина Клементьевăн пурнăçĕ çăмăл килмен. 38 çулти хĕрарăмăн темĕн те курма тивнĕ. Вăл çут тĕнче парнеленĕ çыннисене, пĕртăван икĕ аппăшне, тăван тĕпренчĕкне юлашки çула ăсатнă.
Юратнă ĕçпе аппаланни ывăнтармасть. Пĕрисем кунне-çĕрне пĕлмесĕр уйра тăрăшаççĕ, теприсем тул çутăличченех кĕнеке вулама пултараççĕ, виççĕмĕшĕсем çекĕлпе çыхма кăмăллаççĕ. Вăрмар районĕнчи Энĕшпуç ялĕнче пурăнакан Мария Ларионова чун киленĕçĕшĕн мĕн пур ĕçе пăрахма хатĕр.
Тем, Ташук тусăмпа Шурăмпуç Çăлтăрĕ мана кÿренчĕç пулмалла — хаçата çырма пăрахрĕç. Шурăмпуç, санăн качча кайман хĕрÿ пирки ывăлăма каларăм. Ăнмарĕ пирĕн тăхлач-хăталлă пуласси. Ывăлăм кун пирки каласанах шăртланма пуçларĕ, мăрт-март тукаларĕ те пÿртрен тухса вирхĕнчĕ. Унăн пурнăçне сăмса чикнĕшĕн виçĕ кун ятларĕ. Хамăн шапăлкка ывăлăм çинчен ахальтен мар сăмах пуçартăм-ха. Пĕр эрне каялла ман ачашскерĕм майра ертсе килчĕ. Хулара çуралса ÿснĕ тет, хăйĕн ĕмĕрĕнче яла килсе курманпа пĕрех. Вăт тĕнче кулли! Ман валли ăçтан тупăнать тульккăш?
ТУЙРА САВĂНАС ВЫРĂННЕ ПАТĂРЬЕЛ РАЙОНĔНЧИ ШĂНКĂРТАМРА ÇАМРĂК КАЧЧĂНА ЮЛАШКИ ÇУЛА ĂСАТНĂ.
Ашшĕпе ывăлĕ тăван ялне кайма тухнă. Çĕрпÿ районĕнче груз турттаракан машинăпа çапăннă. Аварире аманнă виçĕ çынна больницăна илсе çитернĕ. Анчах каччă йывăр сурансене пула пурнăçран вăхăтсăр уйрăлнă.
Çамрăксен патшалăх премийĕн лауреачĕ Александра Лобочкова ку хавхалантарăва тавралăха сыхлас енĕпе «Хут шăв-шавĕ» экологи çутĕç проектне пурнăçланăшăн тивĕçнĕ.
Çу кунĕсем иртсе пыраççĕ. Çанталăк шăрăх тăнă вăхăтра ватти-вĕтти, çамрăкки шыва кĕме кăмăллать. «Туратсăр» шыв хăйĕн патне пĕр шелсĕр туртать. Кăçал пирĕн республикăра 31 çын путса вилнĕ. Çÿл тÿперен хĕвел чăтма çук хĕртнĕ кунсенче пушарсем те алхасаççĕ. Вĕсенче те вун-вун çын шăпи татăлать. Паянхи сăмахăм урăххи çинчен-ха. Çын аслатирен те шар курма е пурнăçран уйрăлма пултарать. Статистика кăтартăвĕ çакăн пек: тĕнчере аçа çапнăран çулталăкра вăтамран 6-24 пине яхăн çын вилет, 230 пин ытларахăшĕ суранланать.
СУРСКИЙ РУБЕЖСКИЙ
Чăвашла верси
Русская версия
