Архив - 19 Мая, 2016 - Çамрăксен хаçачĕ

Пĕрремĕш класс ачисем спорт залĕнче хаваслăн чупкалаççĕ кăна. Вĕсем патне хăнана юратнă юмахсенчи тĕп сăнарсем — Буратино тата Незнайка — килнĕ-çке! Эх, мĕн тери интереслĕ тупăшусем ирттереççĕ вĕсем! Ачасене вара çакă кăна кирлĕ.

Археологăн лачакара та выртма тивет

ППЭ пункчĕсенче тухтăрсем те, тьюторсем те пулĕç

«Ачасем мана юратнине туятăп»

Упăшкипе арăмĕ пĕр-пĕрне ура хураççĕ

«Чăваш чĕлхи кирлине туйрăм»

Ашшĕ сусăр ачине интерната паман

Тÿпере вĕçме ĕмĕтленет

Çĕнтерÿ умĕн хăрах урасăр юлнă

«Çамрăксен хаçачĕн» йĕкĕчĕ

Çĕнĕ чăваш киновĕ камит енне сулăнчĕ

Эпир утакан çĕр çинче пин-пин çул каялла кам "хуçаланнине" истори каласа кăтартать. Çав вăхăтра мĕнле пурăннине, мĕн тăхăннине археологсем тĕрлĕ вырăнта тупнă ĕç хатĕрĕ, алка-вăчăра тăрăх палăртаççĕ. Пĕр енчен, вĕсене тупас тесен çĕре чакаламалла çеç.

Часах пĕлÿ çурчĕсенче юлашки шăнкăрав янăрĕ. Шкултан вĕренсе тухакансен хĕрÿ тапхăр пуçланĕ. Пĕлĕве çирĕплетмешкĕн вăхăт нумай юлмарĕ. Патшалăхăн пĕрлехи экзаменĕсем кăçал та яланхиллех икĕ тапхăрпа иртеççĕ. Пĕрремĕшĕ пуш уйăхĕн 21-мĕшĕнчен пуçласа ака уйăхĕн 23-мĕшĕччен пулнă. Раççейре 18700 çамрăк экзамена маларах тытнă. 164-шне шпаргалкăпа тата гаджетпа усă курнăшăн кăларса янă. Тĕп тапхăр çу уйăхĕн 27-мĕшĕнче пуçланĕ. Вăл кун çамрăксем географи тата вырăс литературин предмечĕсемпе патшалăхăн пĕрлехи экзаменне тытĕç. Чăваш Енре тĕп тапхăра 6742 хĕрпе каччă хутшăнĕ.

«Ача-пăча хыççăн кайсан сĕтел айне кĕрсе вилĕн» — тенĕ ваттисем. Вĕсемпе тимлĕхе самантлăха та çухатма юраманнине пĕлетпĕр, анчах асăрхаса çитереймен чухне темĕн те туса ĕлкĕреççĕ: пушмака çуллама, обоя варалама... Килти шăпăрлана итлеттерме пулĕ-ха.

Тăвай районĕнчи пĕр çамрăк çемье тавра пулса иртекен ĕç-пуç «Санта-Барбара» сериалтан та ирттерет. Упăшкипе арăмĕн хушши-хуппине никама та кĕме хушман пулин те Алисăпа Василий Ефремовсен хутшăнăвĕ пирки амăшĕпе тăванĕсем кăна мар, йĕрке хуралçисем те пĕлеççĕ.

Тĕрĕк тĕнчине тĕпчекен чылай ăсчах: «Чăваш хĕр-хĕрарăмĕ — авал пурăннă амазонкăсен тăхăмĕсем», — тесе çирĕплетет. «Амазонка» сăмахăн чăвашла пĕлтерĕшĕ — «амаçын». Хĕрсемпе хĕрарăмсен йăхран йăха куçакан çи-пуçĕ те çар çыннин паллисемпе пуян.

Кĕçех 15 тултаракан Валерия «анне» тесе курман. «ДЦП» диагноз лартнă пепкине амăшĕ 5 çул пăхайнă. Кайран те вăй-халĕ, те тÿсĕмĕ пĕтнĕ — ачана интерната пама шухăшланă. Сусăра пăхасси мĕн тери яваплă пулнине çак  йывăрлăха хăй çинче туйса курнă çын çеç лайăх ăнланать пулĕ.

Сызраньти летчиксен авиаци аслă училищинче Чăваш Енри чылай çамрăк ăс пухать. Пĕлтĕр унта 17-ĕн вĕренме кĕнĕ. Çар çыннин профессийĕ чылай яш-кĕрĕме илĕртет. Çапах ума лартнă тĕллевсене пурнăçласа тÿпере çул хывакан йышлах мар.

«Турăçăм, мана хунямаллă каччăпа паллаштарма пулăш. Тата мăшăрпа пĕрле хĕрсем мар, ывăлсем çитĕнтересчĕ», — çапла ыйтнă Канаш районĕнчи Шаккăл ялĕнче çуралса ÿснĕ Глафира Кадыкова. 10 ачаллă çемьере çуралнă вăл, çут тĕнчене пиллĕкмĕш килнĕ. Ашшĕ-амăшĕсĕр ытла та ир юлнăран Глафирăн хунямăшне те пулин «анне» тесе чĕнес килнĕ. Нуша «кулачне» ача чухнех ас тивнĕрен ывăл çуратма ĕмĕтленнĕ вăл. Ара, хĕрсем качча кайсан нуша курĕç-çке.