Августăн 6-мĕшĕнчи "Юратупа наркăмăшри" "Савнă хĕр чĕкеç пек" çырупа паллашсан алла ручка тытмасăр чăтаймарăм. Çав çыру авторĕпе хирĕç ларса калаçас, чуна уçас килчĕ. Унăн кÿренĕвне питĕ аван туятăп. Хам та çавăн пек лару-тăрăва лексе курнăран çыру авторĕпе пĕрле пулнăнах кулянтăм. Анчах манпа пачах тепĕр май - этемлĕхĕн вăйлă çуррипе çапла пулса тухрĕ...
Журналистсене ури ăçта кăна илсе çитермест-ши, мĕн кăна кăтартмасть-ши? Нумаях пулмасть вăл пире Çĕрпÿ районĕнчи Çĕнĕ Акчурана çитерчĕ. Тĕлĕнмелле ял. Кăнартан инçех те мар вырнаçнăскере çăтмахпа та танлаштарма пулать. Ялăн пĕр енче вăрман кашлать, унта кăмпа та, çырла та туллиех. Урам варринчех пĕве илемĕпе илĕртет. Кил-çурт умĕсем таса, тирпейлĕ. Кунта мулкачсемпе тилĕсене те курма пулать. Анчах Çĕнĕ Акчурара икĕ хусах çеç хĕл каçать. Ахăртнех, çакă ял пурнăç аталанăвĕнчен юлнипе çыхăннă. Унта çутçанталăк газĕ те çитмен, шыв пăрăхĕ те хуман. Яла асфальт çул мар, сукмак çеç илсе çитерет.
Мĕнле чăтнă-ши? Епле вилмен-ши?.. Вăрçă тамăкĕ витĕр тухнă кашни çыннах хăйне çак ыйтусене парать-тĕр. Шупашкар районĕнчи Ишлейри Екатерина Соловьева та тăшман концлагерĕнче икĕ çул асапланнă хыççăн 92 çулччен пурăнмашкăн хевти епле çитнинчен тĕлĕнет.
Статья çырас тĕллевпе политикпа калаçасси артистран е юрăçран интервью илесси мар. Влаç тытăмĕнче ĕçлекенсене чуна уçса калаçтарма питĕ хĕн.
Августăн 22-мĕшĕнче XXIX Олимп вăййисен тĕп хулинче Пекинра çăмăл атлетика енĕпе тĕнче чемпионачĕ пуçланĕ. Унта хутшăнма нумайччен кĕтнĕ путевкăна Шупашкарти "Олимпийский" стадионта августăн 3-5-мĕшĕсенче иртнĕ çĕршыв чемпионатĕнче малти вырăнсене йышăннă, лайăх результат кăтартнă спортсменсем кăна тивĕçрĕç. Çавна май юлашки 10-12 çулта Олимп вăййисенче, Европа тата тĕнче чемпионачĕсенче "ылтăна", "кĕмĕле" çĕнсе илнĕ атлетсем те старта тухрĕç.
Юлашки вăхăтра пĕр-пĕрне савса пĕрлешекенсем пурнăçĕнчи чи телейлĕ кунĕсенчен пĕрне ĕмĕр асра юлмалла ирттерме тăрăшаççĕ. Халăха тĕлĕнтерни çеç мар, ачасене, мăнуксене каласа памалли те пулĕ-çке. Василий Никитинпа Галина Васильева та çак куна интереслĕ ирттерме шухăшланă. Туй машинисен хушшинче çăмăллисем çеç мар, йывăр тиевлисем те пулнă.
Кил-çурт тирпейлĕхĕ хĕрарăмран нумай килет. Вăл ылтăн алăллă пулсан пурăнакан вырăн та çăтмаха çаврăнать.
Çу нÿрĕ тăнине кура çĕлен нумайланчĕ. Чăваш Енре вĕсем виçĕ тĕслисем тĕл пулаççĕ - хурăн пуçли /уж/, хури /гадюка/, хăмăр хырăмли /медянка/. Вĕсенчен чи хăрушши - хура çĕлен. Çиелтен пăхсан вĕсене уйăрма çăмăлах мар. Ÿссе çитнĕ чĕрчунăн вăрăмăшĕ - 60-80 сантиметр.
Çĕрпÿ районĕнчи Кăнарта пурăнакан Ольга Молчановăн килне кĕрсен асамлă тĕнчене лекнĕнех туйăнать. Стенаран çакăнса тăракан картинăсем, тĕрленĕскерсем, хăйнеевĕр. Ахальлисем пек мар вĕсем. Тĕрĕ ăстисем чечексене, чĕрчунсене тĕрлеме юратаççĕ. Ку çуртра вара пачах урăхла. Чиркÿ, салакайăк, хĕвелçаврăнăш, иероглифсем, тăрна, пулăсем... - тĕлĕнмелле хитре вĕсем. Таçталла, çÿлелле, тинкерекен ача та чĕрĕ пекех. Кăна художник сăрăпа ÿкермен-и вара? Çук, Ольга Молчанова ăна хура-шурă çиппе тĕрлесе «чĕртнĕ».
СУРСКИЙ РУБЕЖСКИЙ
Чăвашла верси
Русская версия
