23 çулти каччăн ташă каçĕнче савăнмалла, ирччен хĕрсемпе çăлтăр шутламалла пек туйăнать... Яш чухне мар тăк тата хăçан шухăланас-ха? Анчах агрономăн çапла çÿремешкĕн вăхăт пур-ши? Ку ыйтăва Шупашкар районĕнчи Ленин ячĕллĕ колхозра ĕçлекен Роман Федорова патăм.
Эрех çынна ăсран кăларни пирки Константин Иванов та хăйĕн вилĕмсĕр "Нарспи" поэминче çырнă. Никамшăн та вăрттăнлăх мар ĕнтĕ: преступленисенчен ытларах пайĕ эрех-сăра айăпĕпе пулать. "Хаяр" шĕвек пуçа минретсен алă-ура итлемест, çилĕ хăпарать... РФ Следстви комитечĕн Чăваш Енри управленийĕн сайтĕнчи хыпарсене тишкерсен те çак ÿкерчĕкех куç умне тухса тăрать. Пĕрле эрех ĕçнĕ те харкашма тытăннă, ÿсĕр çын теприне çĕçĕпе чиксе вĕлернĕ, хĕрĕнкĕскер полици ĕçченне çыртнă... Сахал-и унта кунашкал хыпар?
Акă тĕрлĕ çĕршыври студентсен хушшинче иртекен пысăк ăмăрту - Универсиада - çамрăксемпе 28-мĕш хут сывпуллашрĕ. Кăнтăр Корейăри Кванджу хулинче иртнĕскерте Раççей команди зачетра 2-мĕш картлашкана хăпарма пултарчĕ. Пухмачра - 34 "ылтăн", 39 "кĕмĕл", 49 "бронза".
Швецири Лунд хулинче пурăнакан Анатолий Мироновпа Интернетри соцсетьре пĕр-икĕ çул каяллах паллашнăччĕ. Ун чухне вăл тахçантанпах тĕвĕленнĕ шухăшне пурнăçа кĕртесси пирки каланăччĕ. Анатолий Чăваш Ене килме, шурă Шупашкара курма ĕмĕтленетчĕ. Кунталла унăн чунĕ туртать.
Йĕкĕреш çурални - тĕлĕнтермĕшпе танах, кашни хĕрарăмах харăсах икĕ пепке çут тĕнчене парнелеме пÿрмен, йăхран-йăха куçакан пулăм ку.
Патăрьел районĕнчи Сителте 186 кил, вĕсенчен 30-шĕ пушă. Пысăках мар ялта выльăх-чĕрлĕх нумай усраççĕ. Икĕ кĕтÿ, Çÿлти тата Аялти кассен, çÿрет. Пĕринче - 65, тепринче 47 пуç ĕне. Реймовсем кĕтĕве харăсах 4 ĕне хăваласа кăлараççĕ.
Пăрачкав тăрăхĕнчи Кудеиха ялĕнче пулнă май тăхăрвунă çула çывхаракан Надежда Белянкинăпа сăмах ваклама тÿр килчĕ. Унăн çăварĕнчен тухакан кашни сăмах тискер вăрçă кÿнĕ хурлăхпа çыхăннă.
Шупашкар районĕнчи Толик Хураскинче пурăнакан Леонид Федоровăн чун киленĕçĕ çинчен эпир пĕлтĕр çырнăччĕ. 76-ри арçын кĕленче пăккисемпе кил умĕнчи картана чăваш эрешĕсемпе илемлетнĕ. Кăçалхи çу тĕлне вăл хапхана çавнашкал капăрлатма тĕллев тытнăччĕ. "Палăртни пурнăçланчĕ-и?
"Артист пулмах çуралнă эсир", - çапла калать Надежда Николаевна хăйĕн ачисене. Асли Мария юрă-кĕвĕ тĕнчинчех ÿснĕ. Çавăнпах вăл шăллĕсене те юрлама вĕрентнĕ. Музыкăна парăннă пике чун киленĕçĕ пурнăçĕнче пĕлтерĕшлĕ вырăн йышăннине палăртать. Ара, урамра ăмăр е ăшă çанталăк-и, чунра хавас е пусăрăнчăк кăмăл-и - вăл яланах юрлать. Нумаях пулмасть алла аттестат илнĕ Мария Кириллова музыка тĕнчи мĕнпе илĕртни пирки каласа пама килĕшрĕ.
Кăçал хĕвел ăшшипе туллин киленсе те юлаймарăмăр - çур çу хыçа юлчĕ. Ачасен пĕр пайĕ вĕренÿрен пушă вăхăтра кану лагерĕсенче ÿт-пĕве пиçĕхтерет, çĕнĕ юлташсем тупса савăнать, тепĕр пайĕ аслашшĕ-асламăшĕ, кукашшĕ-кукамăшĕ патĕнче канать, ĕçпе пиçĕхет, ыттисем вара ниçта кайма май çуккипе ашшĕ-амăшĕ çумĕнчех "лараççĕ". Чăваш эстрада артисчĕсен шăпăрланĕсем çуллахи каникула ăçта тата мĕнле ирттереççĕ? Пирĕн çулленхи тĕпчев - паянхи номерте.
СУРСКИЙ РУБЕЖСКИЙ
Чăвашла верси
Русская версия
