Архив - Мар 2014 - Чăваш хĕрарăмĕ

март 22nd

22 Мар, 2014

Хăнана кĕмесĕр ан иртĕр...

Мĕн пĕчĕкрен тутар-пушкăрт хушшинче ÿссе вĕсен йăли-йĕркине ăша хывнипе те çыхăннă-ши, ăна-кăна пĕлместĕп, анчах та çак халăх çынни маншăн ачаран питĕ çывăх. Атте те çамрăкрах чухне вĕсемпе питĕ туслăччĕ. Пĕр хут ырă тунăшăн çĕр хут ырăпа тавăратчĕç. Шкулти учительсенчен чылайăшĕ тутарччĕ.

22 Мар, 2014

Пĕрле чухне телейлĕ

Çĕмĕрлери хĕрарăмсен канашĕ кăçал «Чи лайăххи» хисеплĕ ята тивĕçрĕ. Унăн ĕçĕ-хĕлĕпе паллашма хальхинче ятарласа çула тухрăмăр. Тĕрĕссипе, Çĕмĕрлесемпе туслă çыхăну пĕлтĕрех йĕркеленĕччĕ ĕнтĕ, хулари ашшĕсен канашĕ пирки те çырса кăтартнăччĕ.

март 15th

15 Мар, 2014

Урхамах чунне куçран пăхса туяççĕ

Шупашкартан Комсомольски салине кĕнĕ çĕртен инçех те мар ипподром вырнаçнă. Унталла çывхарнăçемĕн пысăках мар йывăç пÿрт, тимĕр çапса тунă вите, вакун прицепĕ асăрхарăм. Утă купи тĕлĕнче хăмăр урхамахпа пони кавлесе тăраççĕ, кунтах чăхсемпе автан, кăрккасем çимелли шыраса хылчăк ăшĕнче чаваланаççĕ.

15 Мар, 2014

Вăйлисене - чи сумлă наградăсем

Пуш уйăхĕн 7-мĕшĕнче Сочире Паралимп вăййисем старт илчĕç. Уяв XXII Олимпиада пекех Олимп паркĕнчи «Фишт» стадионра уçăлчĕ. Кунта пĕтĕмпе 1 пин ытла артист /вĕсенчен 140-шĕ инвалид/, çавăн пекех 2500 волонтер хутшăнчĕç. 48 хула урлă Раççейри 8 федераци округне çитнĕ çулăма чаплă лару-тăрура çутрĕç.

15 Мар, 2014

Инкеке асăрхаттарма пĕлмелле

Нарăсăн 6-мĕшĕнче 11 сехетре ку тăрăхра пулса иртнĕ инкек республикăна кисретрĕ. Хурама Тăвар ялĕнчи йывăç çуртра инкеклĕ çав кун пушар сиксе тухнă. Ашшĕ-амăшĕ кÿршĕ ялта пулнă. Синкерте 4 тата 2 çулти ачасен пурнăçĕ татăлнă.

Нарăсăн 13-мĕшĕнче Турханта ял тăрăхĕн профилактика канашĕн тата районти профилактика комиссийĕн пĕрлехи канашлăвĕ иртнĕ. Унта Турхан ял тăрăхĕн активĕ те хутшăннă. Канашлура ял администрацийĕн, вырăнти депутатсен тата йывăр лару-тăруллă çемьесене сăнакан канаш ĕçне пăхса тухнă.

15 Мар, 2014

Голливуд сюжечĕ тейĕн...

Нарăсăн 21-мĕшĕнче Вăрмар район сучĕ Тăвай районĕнче пурăнакан 41 çулти Тамара Иванова тĕлĕшĕпе пуçарнă уголовлă ĕçе пăхса тухнă. Ăна влаç представительне хĕненĕшĕн айăпланă.

Пĕлтĕрхи юпа уйăхĕнче каçхи пилĕк сехет тĕлĕнче полицин дежурнăй чаçне кÿршĕсем çапăçса кайни пирки шăнкăравласа пĕлтернĕ. Чĕннĕ çĕре следстви тата оперушкăн çитнĕ. Шар курнă хĕрарăм хăйне кÿрши хулăпа хĕненине пĕлтернĕ, çакăншăн айăплине явап тыттарма ыйтнă.

15 Мар, 2014

Пуйăс килнине курсах...

ЧР ШĔМĕн ÇÇХПИ управленийĕн черетлĕ пресс-конференцийĕ Чул хула чукун çулĕн пуçарăвĕпе иртрĕ. Унăн ертÿçин çумĕ, Хусанти управленийĕн пуçлăхĕ Александр Черемнов каланă тăрăх - вĕсем пăхса тăракан çул Раççейĕн 5 субъекчĕпе иртет.

март 12th

12 Мар, 2014

Вăрман – çĕр чăмăрĕн ÿпки

Пуш уйăхĕн 21-мĕшĕнче Пĕтĕм тĕнчери вăрман кунне палăртаççĕ. Ăна 2013 çултанпа уявлаççĕ. Çакăн пирки 2012 çулхи раштавăн 21-мĕшĕнче Пĕрлештернĕ Нацисен Организацийĕн тĕп Ассамблейи резолюци йышăннă.

март 7th

7 Мар, 2014

Çуркунне, хĕрарăм, юрату...

Çак сăмахсем ытларах янăрарĕç Шупашкарти К.В.Иванов ячĕллĕ литература музейĕнче иртнĕ поэзи каçĕнче. Уява хĕрарăм çыравçăсене йыхравланă. Ахальтен мар, паллах: ара, кĕçех пĕтĕм тĕнче чиперуксене ăшă сăмахсемпе пĕрлех капăр чечек çыххисемпе, хаклă парнесемпе савăнтарĕ.

Страницы