Елчĕк районĕнчи Исемпелте пурăнакан Людмила Маркова кашни кунах юнашарти Аслă Пăла Тимеше ĕçе утать. Вăл «Çĕнтерÿ» ОООра 26 çул бухгалтерта тăрăшать. Хăй ĕçне аван пĕлнĕшĕн, яланах вăхăтра тата тĕрĕс пурнăçланăшăн хуçалăх ертÿçи Николай Головин ырлать ăна.
Сĕнтĕрвăрри районĕнчи Хуракасси ялĕнче кашни кĕçнерникун пасар пуçтарăнать. Халăх тем туянма та пултарать çав кун: хур-кăвакалне те, хуçалăх таварĕсене те, ĕçмелли-çимеллине те. Чылайăшĕ вара пасара çынна курса калаçма пырать. Зоя Васильевăпа шăпах пасарта тĕл пулса сăмах пуçартăмăр та.
Зосима /хут çинче ăна çапла çырнă/ Васильева 1927 çулхи çĕртме уйăхĕн 10-мĕшĕнче Сĕнтĕрвăрри районĕнчи Ильменкасси ялĕнче çуралнă.
«Кĕркуннехи каникул вăхăтĕнче ачасене Тутарстанри планетарие илсе каймалла. Унта кинофильм кăтартĕç, экскурси йĕркелĕç», — ăшталанать Шупашкарти 56-мĕш шкулти кĕçĕн класра вĕренекенсен ашшĕ-амăшĕ. Сăмах май, хамăр та ача чухне Мускав таранчченех çитнĕ, паллă вырăнсемпе паллашнă.
Доминикана — çул çÿреме юратакан кашни туристăн ĕмĕчĕ. Эпир те унта çитсе курма пултарасса шухăшлама та пултарайман паллах. Анчах нимĕнрен те хăрамалла мар иккен.
Отеле çитсе вырнаçсанах яланхи пекех вырăнти гидпа тĕл пулатпăр. Ют çĕршывра хамăра мĕнле тыткаламалли пирки панă инструкци — пĕр япала. Гид калани — пачах урăх.
/Малалли. Пуçламăшĕ
41-42-мĕш номерсенче/.
Хăрушсăрлăх урокĕсем
Политик, писатель, телеертÿçĕ пурнăçа улăштармашкăн васкама хистет
1. Улшăнусене тĕрĕс пуçламалла
Текех кун пек чăнласах пĕр кун та пурăнма пултараймастăр: е вилетĕр, е лапчăнатăр... Эсир çак тапхăра çитнĕ-и? Апла тăк чăнласах улшăнмашкăн вăхăт çитнĕ. Тунсăх туйăмĕ ăшне путнипе кăна нихçан та ан пуçлăр улшăнусене — ĕç каймĕ. Чăнласах аптăранă кăвакал пек кутăн чăмма пиçсе çитнĕ тĕк — тархасшăн. Саламлатăп, эсир тĕпне çитнĕ. Унтан вара тапса ярса çÿлелле хăпарма пулать.
2. Тĕллев лартăр та... тăхтав тăвăр
Пĕр-пĕр справка е документ илес, патшалăх пулăшăвĕн ытти тĕсĕпе усă курас тесен вăхăт нумай кирлине пирĕнтен чылайăшĕ лайăх пĕлет: пуçлăхран ирĕк ыйтса ĕçрен каймалла, чиновник пÿлĕмĕ умĕнче вăрахчен кĕтмелле, унта та, пулăшушăн тÿлеме кайсан та черет тăмалла… Мĕн палăртнине пĕрре кайсах вĕçлесен аван-ха, анчах чылай чухне вăл е ку учреждение темиçе те çитме тивет.
Чăваш çыравçисем Турцин Хусанти тĕп консулĕпе Турхан Дильмачпа тĕл пулнă. Вĕсем чăвашсемпе турккăсен усăллă çыхăнса ĕçлемеллине палăртса тĕрлĕ ыйтăва сÿтсе явнă, çав шутра — литературăпа çыхăннисене те.
Тутарстан çав çыхăнусене нихăçан та татман. Елабугăра, ытти хулара Турци пайтаçисем уçнă вун-вун çĕнĕ завод ĕçлет, пин-пин çын ĕç вырăнĕ тупнă. Турцире çуллен тутарсен темиçе кĕнекине куçарса пичетлеççĕ. Çавăнпа чăвашсемпе турккăсен — тăванла икĕ халăх — хутшăнусене çине тăрсах аталантармалли каламасăрах паллă.
Физкультурăпа спорта аталантарас тесен пурлăхпа техника никĕсне хывмалла, халăха сывă пурнăç йĕркине пăхăнма хăнăхтармалла, пултаруллă спортсменсем хатĕрлемелле. Чăваш Республикинче юлашки вăхăтра спортăн 60 объектне çĕнетнĕ тата хута янă. Çак тĕллевпе 6 млрд ытла тенкĕ тăкакланă. Кăçалхи 9 уйăхра халăхăн 46 проценчĕ физкультурăпа сывлăха çирĕплетмелли комплекссене çÿренĕ. Раççейри вăтам çак кăтарту 29,9 процентпа танлашать.
«Ертÿçĕн начарринче лайăххине курма пĕлмелле, лайăххинче – начаррине. Хамăр ларакан пукан ăшшине кăна мар, вăл пăр пек сиввине те, хĕртнĕ пăшатан пек пĕçертнине те туймалла», – тет Рудольф Васильевич. Тата: «Манăн, аллă çула çитнĕскерĕн, хамăн ыттисене вĕрентмелле пек, анчах эпĕ паян та куллен çĕннине ăша хывма тăрăшатăп», – тет. «Хыпар» хаçатăн хăни – Патăрьел район администрацийĕн пуçлăхĕ Рудольф Селиванов /сулахайри/. Муниципалитет малашлăхĕ пирки калаçнипе пĕрлех Рудольф Васильевичăн шухăшлавне ăнланма тăрăшрăмăр.
Сумлă çак ята Чăваш Республикин физкультурăпа спортăн тава тивĕçлĕ ĕçченĕ Алексей Федорович ВОЛКОВ, Комсомольски районĕнчи Нĕркеçри вăтам шкулта /малтан сакăр çул вĕренмелличчĕ/ физкультура учителĕнче хĕрĕх пилĕк çул пĕр улшăнмасăр ĕçлесе, çирĕп тытса пурăнчĕ. Çĕр-çĕр ачашăн ырă тĕслĕх вырăнĕнче пулчĕ, пархатар кÿрекен тÿрĕ кăмăлĕпе пурнăçăн чăн çулĕпе утма хавхалантарчĕ. Вăхăта тытса чарма нимĕнле вăй та хевте çитереймест тени тĕрĕсех — пирĕн кумир та, Алексей Федорович, 70 çул тултарчĕ. Культура çуртне чыслава каяс умĕн килĕнче тĕл пулма, иртнĕ çулĕсене аса илсе хак пама май килтерчĕ.
СУРСКИЙ РУБЕЖСКИЙ
Чăвашла верси
Русская версия
