Архив - Окт 2016 - Хыпар

Яланах йывăрпа иртет юлашки урок. Ывăнса çитсен тимлĕх сĕвĕрĕлет. Учитель вара ачасен кăмăлне çĕклеме, ывăннине сирсе яма яланах пĕлет. Акă вăл шкапран илемлĕ курупкасем кăларса кашни парта çине пĕрер хурса тухрĕ. Арçын ачасемпе хĕрачасен куçĕсем çăлтăрла çиçсе илчĕç, тутисем йăл кулчĕç.

Çак кунсенче Чăваш наци конгресĕнче «Чăвашлăха аталантаракан чи лайăх шкул» республика конкурсне килнĕ ĕçсене жюри пăхса тухрĕ. Ăмăртăва республикăри 17 шкул хутшăнма тивĕçрĕ. Хальхи вăхăтра шкулсен тĕп ăмăртăвĕн иккĕмĕш тапхăрĕ пырать.

Чăваш кĕнеке издательствипе «Тантăш» хаçат редакцийĕ çулсеренех ирттерекен «Чăваш кĕнеки. Пултаруллă çамрăксем» регионсем хушшинчи конкурса пĕтĕмлетрĕç. Кăçал вăл улттăмĕш хут пуш уйăхĕн 1-мĕшĕнчен пуçласа авăн уйăхĕн 30-мĕшĕччен иртрĕ.

Чăн-чăн юлташсен кайран ачисем те туслă пулĕç тет. Çак шухăш ахальтен пуçа килмерĕ.

Ӳсĕм тапхăрĕнче эпир улшăнатпăр, çавăнпа кăмăл-туйăм выляса тăнине йĕркеллĕ пулăм тесе йышăнмалла. Тулли кĕлеткеллисем вара тата ытларах кулянса ӳкеççĕ. Анчах пурте мар. Пĕрисем тулли кĕлеткинчен вăтанаççĕ пулсан, теприсем хăйсене ыттисемпе тан, ирĕклĕ туяççĕ, савăнăçлă курăнаççĕ.

Юлашки лаптăксенче

Ырă тĕслĕх шутĕнче

Кая юлсан...

«Çут тĕнчере пурăнас килет»

Халĕ те канăçсăр

Ӳркенмен çын выçă лармасть

Тӳпене йывăр хура пĕлĕтсем карса илнĕ пулин те çумăр çумасть-ха. Уйри çул та çăрăлмасть, машина çăмăллăнах чупать. «Юрать, çанталăк кăштах шăнтрĕ, пылчăка типĕтрĕ», - тет Красноармейски район администрацийĕн ял хуçалăх, экономика, пурлăх пайĕн пуçлăхĕн çумĕ Владилен Васильев.

Пĕтĕм Раççейри "Ĕçлĕ Раççей" общество организацийĕ 15 çул тултарнине халалласа Мускавра унăн XII сĕезчĕ иртнĕ. Унта Чăваш Ен Пуçлăхĕ Михаил Игнатьев та хутшăннă.

Сĕездăн пĕрлехи ларăвĕнче РФ Президенчĕ Владимир Путин тухса калаçнă. Вăл асăннă тăрăх – "Ĕçлĕ Раççей" компанийĕсем халăха миллиона яхăн ĕç вырăнĕпе тивĕçтереççĕ, тĕрлĕ шайри бюджета çулсерен çĕршер миллиард налук тӳлеççĕ. Унсăр пуçне вĕсен продукцийĕ тĕнчери 120 ытла çĕршыва ăсанать. Вĕсен аталанма майсем тата та пур.

20 çул каялла, колхоз-совхоз членĕсене пай çĕрĕсем уйăрса панă хыççăн, вĕсен аллине Чăваш Енре 550 пин гектар куçнă. Пĕрисем лаптăкра хĕрсех тырă, пахчаçимĕç çитĕнтерме пуçларĕç. Арендăна паракансем, сутакансем те пулчĕç. Анчах вăхăт иртнĕ май пай çĕрĕсене çумкурăк, йывăç-тĕм пусса илме пуçларĕ. Ял ватăлса пыни, çĕр çинче ĕçлеме техника çукки, вăй-хал çителĕксĕрри те систерчĕ курăнать. Хăшĕсем вăхăт иртнĕ май куçман пурлăхĕ çине алă сулчĕç темелле. Хуçасăр çĕрсене те пушă вырттараймăн. Вĕсен çĕклемĕ вырăнти ял тăрăхĕ çине тиенчĕ.

Комсомольски районĕнчи «Çĕр тата çынсем» халăх музейĕнче Вăрманхĕрри Чурачăк ялĕнче çуралса ӳснĕ Леонид Иванович Осиповăн фронтран янă çырăвĕсем упранаççĕ. Хăй вăхăтĕнче вĕсене унăн шăллĕ Евгений Иванович илсе килнĕччĕ. Сăмах май, вăл вырăнти вăтам шкулта директорта чылай çул ĕçлерĕ.