Архив - 20 Окт, 2016 - Хыпар

20 Окт, 2016

Шиншилла ĕрчетме çaмaл-и?

Шиншилла кролик евĕрлĕ йăрă, илемлĕ чĕрчун. Килте илемĕшĕн тытакан ăратсем тата паха тиршĕн ĕрчетекеннисем пур. Шиншилла алла лайăх хăнăхать, тавралăхпа кăсăкланать, сăнама юратать. Вăл пысăк ӳсмест. Çитĕнсе çитмен кролоик çури пек — 400-700 грамм çеç. Шиншилла ами аçинчен пысăкрах. Çак чĕрчунăн тăван çĕршывĕ — Кăнтăр Америкăри Анд тăвĕсен таврашĕ. Кунта вĕсем хăйсем тĕллĕнех ĕрчесе пурăнаççĕ.

20 Окт, 2016

Çуллахи автошинaна упрама

Велосипедăн, çăмăл машинăсен çуллахи ĕçĕ вĕçленсе пырать. Вĕсене çуркуннеччен тĕрĕс мĕнле упрамалла?

Автошинăна, велосипеда çуркуннеччен тĕрĕс-тĕкел упрасан тепĕр çул вăл каллех усă кӳрĕ, çĕнĕ туянса е юсаса тăккаланма тивмĕ.

Вĕсене +10... +25 градус ăшăра, тĕттĕмре упрама сĕнеççĕ. Нӳрĕк çĕрте, хĕвел ӳкекен вырăнта резинăн, тимĕр япаласен пахалăхĕ чакать.

20 Окт, 2016

Ӳркенмесен ĕç aнать

Шупашкарта пурăнакан пахча ăсти Палля пичче çулсеренех тухăçлă пахчаçимĕç туса илет. Кăçал вăл 80 çул тултарчĕ, апла пулин те Тăвай районĕнчи Тенеялĕнче çуралса ӳснĕ Павел Александрович ФЕДОРОВ тăван килне пăрахмасть, килсех тăрать.

20 Окт, 2016

Барбарис илем кӳрет

Барбарис тесен чылайăшне ачалăхри канфетсем аса килеççĕ-тĕр. Ун чухне барбарис мĕнле, ăçта çитĕннине чухламан та. Халĕ вара ăна хамăр патăмăрта та лартса çитĕнтерме пуçларĕç. Унăн çырлинчен желе, варени, джем хатĕрлеме пулать. Çулçине те апатра усă кураççĕ: чей вĕретме, тĕрлĕрен маринад валли.

Барбарис пирĕн тăрăхра аван çитĕнет. Илемлĕ хĕрлĕрех çулçăллă тĕм çулла тумĕпе, пахчаçимĕç пуçтарса илнĕ хыççăн пахчана хăйĕн янкăр хĕрлĕ вĕтĕ çимĕçĕпе илем кĕртет. Унăн çырли хĕлле те тăкăнмасть. Шăпах кăштах сивĕтсен пушшех тутлă барбарис.

20 Окт, 2016

«Тантăш» №41 (4507), 20.10.2016

20 Окт, 2016

Эпир виççĕн пĕртăван

Яланах йывăрпа иртет юлашки урок. Ывăнса çитсен тимлĕх сĕвĕрĕлет. Учитель вара ачасен кăмăлне çĕклеме, ывăннине сирсе яма яланах пĕлет. Акă вăл шкапран илемлĕ курупкасем кăларса кашни парта çине пĕрер хурса тухрĕ. Арçын ачасемпе хĕрачасен куçĕсем çăлтăрла çиçсе илчĕç, тутисем йăл кулчĕç.

20 Окт, 2016

«Чăвашлăха аталантаракан чи лайăх шкул» конкурса килнĕ ĕçсене пăхса тухрĕç

Çак кунсенче Чăваш наци конгресĕнче «Чăвашлăха аталантаракан чи лайăх шкул» республика конкурсне килнĕ ĕçсене жюри пăхса тухрĕ. Ăмăртăва республикăри 17 шкул хутшăнма тивĕçрĕ. Хальхи вăхăтра шкулсен тĕп ăмăртăвĕн иккĕмĕш тапхăрĕ пырать.

20 Окт, 2016

«Чăваш кĕнеки. Пултаруллă çамрăксем» конкурс çĕнтерӳçисем паллă

Чăваш кĕнеке издательствипе «Тантăш» хаçат редакцийĕ çулсеренех ирттерекен «Чăваш кĕнеки. Пултаруллă çамрăксем» регионсем хушшинчи конкурса пĕтĕмлетрĕç. Кăçал вăл улттăмĕш хут пуш уйăхĕн 1-мĕшĕнчен пуçласа авăн уйăхĕн 30-мĕшĕччен иртрĕ.

Страницы