Архив - 6 Окт, 2016 - Хыпар

6 Окт, 2016

Хурлçăхлă юрă. Николай Сунай

Калав

Васкаса ĕçлерĕ утă кĕртме пуçтарăннă халăх. Анса пыракан хĕвел хăвăртлăха тата та ÿстерчĕ. Кĕçех тĕттĕмленес хăрушлăх пур. Çынни те çителĕклĕ. Чĕнмесĕрех килчĕç кÿршĕ-аршăпа туслă пурăнакан Алексейпе Ингăна пулăшма. Хуçисем хăйсем ÿркенекеннисем мар та, кÿршисем те хаваспах пыраççĕ вĕсем патне. Арçынсем аялта тăрмашрĕç. Утă рулонне ушкăнпа кустарса кĕреççĕ. Салатса ăна çÿле ывăтса параççĕ. Çÿлте вара - хĕрарăмсем: кил хуçи арăмĕпе хирĕçех пурăнакан Ираида аппа. Аллăран иртнĕ имшер хĕрарăм хĕрĕх те тултарман Ингăран пĕрре те кая мар тĕрмешет.

6 Окт, 2016

Орфографи суда çитерчĕ

Чăваш орфографине йĕркене кĕртме тунă айкомисси /подкомиссия/ хăйĕн ĕçне хăюллăн пуçланăччĕ: тĕрĕсçыраслăха "тÿнтерсе" янă правилăсене тимлĕн пăхса тухса унти "идиотизмсене" пĕтерме, ку яваплă ĕçре саплăк лартса кăна аппаланни çителĕксĕр пулнине палăртнăччĕ. Татăклăн илтĕнчĕ çак сăмах, тинех улшăну пуласса шантарчĕ. Анчах айкомисси хăйĕн ĕçне пăшик! сасă кăлармасăрах вĕçлерĕ пулмалла.

Халăха тарăхтарса çитернĕ çак правилăсене мĕнле кăна вăрçмарĕç пуль: вĕсене тăвакан "партизан отрядне" ĕмĕрлĕхе намăс хапхи çине çырса хума сĕнекенсем те пулчĕç.

6 Окт, 2016

Сцена çинчи вут-çулăм

«Сукмакĕ ку тĕлĕнмелле тумхахлă», –
Тесе хальччен тăмарăн шикленсе.
Ярса пусса ялан-ялан сулмаклă
Йывăрлăхра эс пытăн пиçĕхсе.
 
Вут-тăвăлсен ытамĕнче чухне те
Умра курса малĕмĕтлĕх сăнне
Ыр кăмăл-туйăм ăшшине çĕнетрĕн
Ыттисене асаплă чух сĕнме.

6 Окт, 2016

Хыр лaсси пуçтарар-ха

Хыр-чăрăш лăссипе кĕркунне йăрансене витме юрать-и? Лăсă тăпра йӳçеклĕхне ӳстерет теççĕ. Ăнлантарса параймăр-ши?

Мальвина ТЕРЕНТЬЕВА.

Йĕпреç районĕ.

6 Окт, 2016

Халех хатĕрлемелле

Пахчаçимĕç пуçтарса кĕртес ĕç вĕçленсе пырать. Ана çинче сивве тӳсĕмлĕ çимĕç-курăк çеç курăнать: кĕрхи купăста, дайкон, ешĕлле çиме лартнă сухан, укроп, петрушка.

Халĕ пахчана хĕле кĕриччен тирпейлесе хăварассипе тимлемелле. Ытлашши нӳрĕ çанталăкра пахчара çӳреме кирлех мар. Нӳрĕк çĕр атă-пушмака варалать çеç мар, вăл вăйлă пусăрăнать те. Кăпкалатнă тăпра — пушшех те.

6 Окт, 2016

Сирĕн ĕне мĕнле?

Картишĕнче ĕне пулсан сĕтел çинче апат пур, теççĕ халăхра. Чăнах та, килти ĕне пĕчĕк сĕт-çу фабрики мар-и вара? Ӳркенмен çын сĕтелĕ çинче сĕт, çу, хăйма, сыр, тăпăрч, турăх, кефир т.ыт. яланах пур. Сад-пахчашăн та усăллă вăл, паха удобрени — тислĕк — тума пулăшать. Ĕне сĕт лайăх парать тăк кил валли çеç мар, сутса укçа тумалăх та продукци пулать. Паллах, ĕне лайăх пулсан.

Страницы